29.03.2026 | 17:55
Քարաթափում՝ Լծեն-Տաթև և Երևան-Մեղրի ավտոճանապարհին
Հինգ տարվա ընդմիջումից հետո կրկին բեմում է «Երազ» բալետ-ներկայացումը
Մշակույթ
21.02.2022 | 13:25
Մասնագիտությամբ բժիշկ Էդուարդ Համբարձումյանի և պարուհի Ժակլին Սարխոշյանի «Երազ» բալետ-ներկայացման պրեմիերան կայացել է 2012 թվականին: Այն հանրությանը վերջին անգամ ներկայացվել էր 2017 թ․-ին․ տեղեկացնում են ՀՀ ԿԳՄՍՆ-ից։
Եվ ահա հինգ տարի անց՝ 2022 թվականի փետրվարի 19-ին, ներկայացումը կրկին բեմում է։ Նոր բեմադրությանը ներկա է եղել նաև ՀՀ ԿԳՄՍ նախարար Վահրամ Դումանյանը։
Մեկ գործողությամբ բալետ-ֆանտազիան պատմում է նկարչուհի հերոսուհու մասին, ով, իր իդեալին փնտրելով, չի գնահատում այն, ինչ ունի կողքին։
Լիբրետոն և պարերի բեմադրությունը՝ Ժակլին Սարխոշյանի: Գլխավոր դերակատարներ՝ Նարե Մարկոսյան, Րաֆֆի Գալստյան, Գարեգին Բաբելյան:
Զգեստների ձևավորումն ու ավազե անիմացիան ՝ Աննա Ամասիի: Գործիքավորումը՝ Վահան Նահապետյանի: Զգեստների պատրաստող՝ «Մարինա Ֆեյշն» ՍՊԸ:
