14.05.2026 | 19:54
ԿԸՀ-ն պատգամավորի 45 թեկնածուների գրանցումն ուժը կորցրած է ճանաչել
Ձգտում ենք աշխարհի լավագույն 5 հարյուրակում առնվազն 4 բուհ ներկայացնել. ԿԳՍՄ փոխնախարար. ՏԵՍԱՆՅՈՒԹ
Հասարակություն
21.02.2022 | 11:57
«Ինչպես մասնագիտական կրթության և ուսուցման ոլորտում, այս պարագայում նույնպես պետք է հասնենք այն բանին, որ բուհերն ավարտածները կարողանան աշխատել ըստ մասնագիտության։ Դրան հասնելու համար բարձրագույն կրթության ոլորտում պետք է մշակենք ստանդարտներ՝ լիցենզավորման և հավատարմագրման գործիքների միջոցով»,- այս մասին նշեց ԿԳՄՍ փոխնախարար Կարեն Թռչունյանը այսօր կայացած ասուլիսի ընթացքում ներկայացնելով բարձրագույն կրթության ոլորտում նախանշված անելիքներն ու ծրագրերը։
Նրա խոսքով՝ նախարարությունը նախատեսում է բուհերի տարբեր մասնագիտությունների համար ֆինանսավորման նոր համակարգ մշակել։
Թռչունյանը նշեց, որ տարբեր բուհերի համար ֆինանսավորման մեխանիզմները տարբեր կլինեն։ Այս ամենի համար պետք է աշխատանքային խմբեր ստեղծվեն։
«Ունենք թիրախ` լավագույն 500 բուհերի ցանկում ունենալ առնվազն 4 բուհ։ Կարծում եմ, որ կարող ենք հասնել դրան, եթե ապահովենք որակյալ կրթության բոլոր պայմանները»,- ընդգծեց նա։
Փոխնախարարը հավելեց, որ հիմնական թիրախներից է լինելու նաև օտարերկրյա ուսանողների թվի աճին նպաստելը։
Մանրամասները տեսանյութում:
