15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Պուտինը ՌԴ Անվտանգության խորհրդի արտահերթ նիստ է հրավիրել
Քաղաքականություն
21.02.2022 | 15:41
ՌԴ նախագահ Վլադիմիր Պուտինը փետրվարի 21-ին ՌԴ Անվտանգության խորհրդի արտահերթ նիստ է անցկացնելու։ ՏԱՍՍ-ի փոխանցմամբ՝ այս մասին հայտնել է Կրեմլի խոսնակ Դմիտրի Պեսկովը։
«Շատ շուտով նախագահ Պուտինը Ռուսաստանի Անվտանգության խորհրդի նիստ կհրավիրի»,- ասել է նա։
Ըստ Պեսկովի՝ խոսքը «մեծ հանդիպման» մասին է, այլ ոչ թե ՌԴ Անվտանգության խորհրդի մշտական անդամների հետ նախագահի կանոնավոր հանդիպումների։
ՌԴ նախագահի խոսնակը չի պատասխանել հանդիպման թեմայի վերաբերյալ հարցին, սակայն նշել է, որ այն «հերթական չէ»։ Նա նաև ասել է, որ Կրեմլը Դոնբասում լարվածության մակարդակի նվազման նշաններ չի տեսնում։
«Իրավիճակն իսկապես չափազանց լարված է, և առայժմ մենք լարվածության մակարդակի նվազման նախանշաններ չենք տեսնում: Սադրանքներն ու հրետակոծությունները գնալով ավելի ինտենսիվ են դառնում։ Իհարկե, դա շատ խորը մտահոգություն է առաջացնում»,- ասել է Պեսկովը։
Նա հավելել է, որ Կրեմլը չի մեկնաբանում հարցը՝ արդյո՞ք ռուսական ուժերը կմիանան, եթե ԼԺՀ-ն օգնություն խնդրի իրավիճակի սրման հետ կապված։
Հիշեցնենք, որ Ֆրանսիայի նախագահ Էմանուել Մակրոնն իր ամերիկացի գործընկեր Ջո Բայդենին և Պուտինին հրավիրել է գագաթնաժողով անցկացնել Եվրոպայում անվտանգության և ռազմավարական կայունության վերաբերյալ։ Երկու կողմերն էլ պաշտպանել են այդ գաղափարը և ընդունել Ֆրանսիայում հանդիպելու՝ Մակրոնի առաջարկը։
Տաթև Ֆռանգյան
