06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Ուկրաինայի սահմանի մոտ մեկնարկել են լեհ-ամերիկյան զորավարժությունները
Քաղաքականություն
21.02.2022 | 12:58
Լեհ զինվորականները ԱՄՆ զինվորական անձնակազմի հետ համատեղ զորավարժություններ են սկսել Լեհաստանի հարավ-արևելքում, որտեղով անցնում է Ուկրաինայի հետ սահմանը, Twitter-ի իր միկրոբլոգում գրել է Լեհաստանի պաշտպանության նախարար Մարիուշ Բլաշչակը։
«Հանգստյան օրերին 18-րդ մեքենայացված դիվիզիայի զինվորականները Լեհաստանի հարավ-արևելքում սկսել են համատեղ զորավարժություններ ամերիկացի զինվորների հետ։ Մենք հետևողականորեն ամրապնդում ենք անվտանգությունը ՆԱՏՕ-ի արևելյան թևում»,- գրել է Բլաշչակը:
ՆԱՏՕ-ի և ԱՄՆ-ի հետ երկկողմ համաձայնագրերի շրջանակներում Լեհաստանում տեղակայված է մոտ 5000 ամերիկացի զինվորական։ Եվս 4700 զինվորական երկիր է ժամանել որպես լրացուցիչ ուժ՝ «մեր տարածաշրջանի անվտանգության սպառնալիքի պատճառով», հայտնել է Լեհաստանի պաշտպանության նախարարությունը։
Տաթև Ֆռանգյան
