19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Տրանսպորտի վարորդներն ավելի շատ են վաստակում, քան սահմանին կանգնած տղերքը․ Երևանի քաղաքապետ․ ՏԵՍԱՆՅՈՒԹ
Տնտեսություն
21.02.2022 | 11:14
«Ինքներդ գիտեք, որ մեր էս վարորդները ծխում են, արագ են քշում, չգիտեմ՝ կանգառում չեն կանգնում, էդ «կուստառնի մեթոդներով» վերահսկողությունը չի աշխատում: Մեզ նոր, ժամանակակից մեթոդներով վերահսկողություն է պետք, որպեսզի կարողանանք պատշաճ ծառայություններ մատուցել քաղաքացիներին: Այսօր՝ փետրվարի 21-ին, գործակարգավարական խորհրդակցության ժամանակ այս մասին նշեց քաղաքապետ Հրաչյա Սարգսյանը՝ դիմելով «Փարքինգ սիթի» ընկերության տնօրեն Վազգեն Հարությունյանին:
«Մամուլում տարածվում է, որ վարորդներն ասում են՝ 100 դրամները տվե՛ք ինձ: Մի՛ տվեք, ժողովո՛ւրդ ջան, 10 միլիարդ փող ենք ծախսել, պայման ենք ստեղծել, ավտոբուսներ ենք բերել: 25 միլիոն եվրո շուտով Կառավարության աջակցությամբ ծախսելու ենք, 12 մետրանոց 100 նոր ավտոբուս ենք բերենք: Մի տասից տասնհինգ հատ տրոլեյբուս ենք ուզում առնել համայնքային միջոցներով: Էդ գումարները հավաքվում է ձեր տված վճարներից, մի՛ տվեք վարորդին էդ գումարը»:
Քաղաքապետի խոսքով՝ պետք է համատեղ ուժերով լուծել տրանսպորտի հարցը:
«Մեծ համակարգ է: 15-20 տարի ոչ մի բան չեն արել: Ունենք այն, ինչ ունենք: Ինչի են 100 դրամը տալիս վարորդին, մտածում եք՝ մեղկա՞: Վարորդը 270 հազար դրամ աշխատավարձ է ստանում: Սահմանին կանգնած տղերքը, ասենք, 120-150 հազար դրամ են ստանում: Թող չբողոքեն ոչ ոք»,- ասաց Հրաչյա Սարգսյանը՝ հորդորելով, որ ուղևորները 100 դրամը գցեն մետաղընդունիչների մեջ:
Մանրամասները՝ տեսանյութում:
