26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Բայդենն ու Պուտինը կհանդիպեն
Քաղաքականություն
21.02.2022 | 10:58
Ֆրանսիայի նախագահ Էմանուել Մակրոնն իր ամերիկացի և ռուս գործընկերներ Ջո Բայդենին և Վլադիմիր Պուտինին հրավիրել է գագաթնաժողով անցկացնել Եվրոպայում անվտանգության և ռազմավարական կայունության թեմայով։ Այս մասին հայտնում է Ելիսեյան պալատի մամուլի ծառայությունը։
Երկու քաղաքական գործիչներն էլ պաշտպանել են այդ գաղափարը և ընդունել Եվրոպայում հանդիպելու Մակրոնի առաջարկը։ Ֆրանսիայի ղեկավարը նաև առաջարկել է ավելի ուշ հանդիպում անցկացնել բոլոր շահագրգիռ կողմերի հետ։
ԱՄՆ նախագահի աշխատակազմը հաստատել է Պուտինի հետ հանդիպելու Բայդենի համաձայնությունը։
Գագաթնաժողովին կնախորդեն Ռուսաստանի ԱԳ նախարար Սերգեյ Լավրովի և ԱՄՆ պետքարտուղար Էնթոնի Բլինքենի բանակցությունները։ Նրանք կհանդիպեն փետրվարի 24-ին։ Այդ բանակցությունների ընթացքում պաշտոնյաները կնախապատրաստեն նախագահների հանդիպմանը քննարկվելիք թեմաները։
