14.09.2026 | 11:33
Հաջիևը մեր պատմությունը աղվանական է ներկայացնում, դիրքորոշո՛ւմ հայտնեք․ Գրիրգորյանը՝ Ռուբինյանին․ ՏԵՍԱՆՅՈՒԹ
Իրանը և Կատարը քննարկում են երկրների միջև թունելի կառուցումը
Քաղաքականություն
20.02.2022 | 21:34
Իրանի և Կատարի իշխանությունները բանակցություններ են վարում երկու երկրները կապող ստորջրյա թունելի կառուցման շուրջ: ТАСС-ի փոխանցմամբ՝ այս մասին հայտարարել է Իրանի նավահանգիստների և նավագնացության կազմակերպության գործադիր տնօրեն Մոհամմադ Ռաստադը։
«Ներկայում մենք բանակցություններ ենք վարում Կատարի հետ ավիափոխադրման, ծովային և նավահանգստային ոլորտներում համագործակցության, ինչպես նաև ստորջրյա թունելի ստեղծման շուրջ։ Կատարի և Իրանի միջև ստորջրյա թունելի ստեղծումը կարելի է անվանել եզակի նախագիծ, որը կկապի Դեյեր [Իրանի նահանգ] Բուշեհր նավահանգիստն արաբական երկրի հետ»,- նրա խոսքը մեջբերել է «Ֆարս» գործակալությունը:
Պաշտոնյայի խոսքով՝ երկուշաբթի օրը Իրանի նախագահ Էբրահիմ Ռայիսին կմեկնի Կատար համապատասխան համաձայնագրեր կնքելու համար:
Իրանի նախագահ Ռայիսին փետրվարի 21-ին կմեկնի Կատար ՝ մասնակցելու գազ արտահանող երկրների համաժողովին, որը տեղի կունենա փետրվարի 20-22-ը:
