14.12.2024 | 19:57
Ինչ իրավիճակ է ճանապարհներին 19։35-ի դրությամբ
Վրաստանը շարունակում է ակտիվորեն կառուցել դեպի Ռուսաստանի հետ սահման տանող ամենաերկար թունելը
Քաղաքականություն
18.02.2022 | 22:17
Վրաստանը շարունակում է ակտիվորեն կառուցել դեպի Ռուսաստանի հետ սահման տանող ամենաերկար թունելը, գրում է Sputnik-ի վրացական ծառայությունը։
Վրաստանի ենթակառուցվածքների նախարարության ավտոճանապարհների դեպարտամենտից հայտնել են, որ Քվեշեթի-Կոբի հատվածում այս պահին անցկացվել է ինը կմ երկարությամբ թունելի 770 մետրը, ինչպես նաև՝ 2,6 հազար մետր տարհանման թունել։
Քվեշեթի-Կոբի հատվածը Կոբի-Գուդաուրի հատվածի շրջանցիկ ճանապարհն է, որտեղ ձմռանը հաճախ ձնահոսքի վտանգ է սպառնում, ինչի պատճառով ճանապարհը փակվում է։ Վրաստանը և Ռուսաստանը կապող վրացական ռազմական մայրուղու վրա թունելի կառուցումը թույլ կտա նաև հայ ավիափոխադրողներին օրերով այլևս չխրվել Վերին Լարսի անցակետ հասնելու ճանապարհին։
«Այս պահին գլխավոր թունելում թունել հորատող սարքավորման միջոցով փորվել է 770 մետր, տեղադրվում են երկաթբետոնե սալիկներ, զուգահեռաբար իրականացվում են թունելի հորատումներ և ժամանակավոր ամրացումների տեղադրում»,- ասվում է զեկույցում։
Տաթև Ֆռանգյան
