16.02.2026 | 20:51
Ադրբեջանում կանանց համար զինվորական ծառայության ժամկետը 3 տարուց կկրճատվի մինչև 6 ամիս
Հայաստանի պատանեկան առաջնություններում ձևավորվել են առաջատարների խմբերը
19.04.2018 | 13:21
Բոլոր ենթախմբերում ընթանում է անզիջում պայքար:
Հայաստանի շախմատի ակադեմիայում ընթացող պատանեկան առաջնությունների գրեթե բոլոր խմբերում նշմարվել են առաջատարների խմբերը:
Մինչև 10 տարեկան պատանիների ենթախմբում առաջատարներն են 6-ական միավոր վաստակած Դավիթ Ալեքսանյանը և Ռուդոլֆ Փաշիկյանը: 4.5 միավորով 3-րդ հորիզոնականում է ընթանում Էդիկ Հովսեփյանը:
Մինչև 10 տարեկան աղջիկների ենթախմբում միանձնյա առաջատարն է 5.5 միավոր վաստակած Միլենա Մուրադխանյանը: 4 շախմատիստուհի առաջատարից հետ են կեսական միավորով
Մինչև 12 տարեկան պատանիների առաջնությունում աղյուսակը 6 միավորով գլխավորում է Էմին Օհանյանը: Ռոբերտ Փիլիպոսյանը և Ալեքս Սահակյանը առաջատարին հետ են կեսական միավորով:
Մինչև 12 տարեկան աղջիկների խմբի առաջատարն է Սեդա Բադալյանը: 2-րդ հորիզոնականում գտնվող Անուշ Ասրյանը առաջատարից հետ է կես միավորով:
Մինչև 14 տարեկան պատանիների առաջնության միանձնյա առաջատարն է 4.5 միավոր վաստակած Ռոբերտ Մուրադյանը: Մամիկոն Ղարիբյանը 4 միավորով գտնվում է 2-րդ հորիզոնականում:
Մինչև 14 տարեկան աղջիկների պայքարում առաջատարներն են 4-ական միավոր վաստակած Մարիամ Մկրտչյանը և Աստղիկ Հակոբյանը:
Մինչև 16 տարեկան պատանիների պատանիների ենթախմբի առաջատարն է 4.5 միավոր վաստակած Արթուր Դավթյանը: Դավիթ Դավթյանը և Էդուարդ Իսրայելյանը առաջատարից հետ են 1-ական միավորով:
Մինչև 16 տարեկան աղջիկների առաջնությունում առաջատարներն են Անահիտ Մկրտչյանը և Մանե Հովհաննիսյանը:
Մինչև 18 տարեկան պատանիների ենթախմբի առաջատարներն են Դավիթ Միրզոյանը և Տիգրան Սարգսյանը:
Մինչև 18 տարեկան աղջիկների մրցաշարայն աղյուսակը միանձնյա գլխավորում է Արփինե Գրիգորյանը: 2-րդ տեղում ընթացող Մարիամ Ավետիսյանը առաջատարից հետ է 1 միավորով:
