21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Կանադայում առաջին անգամ գործարկվում է Արտակարգ իրավիճակի մասին օրենքը
Քաղաքականություն
15.02.2022 | 22:27
Կանադայի վարչապետ Ջասթին Թրյուդոն երկրի պատմության մեջ առաջին անգամ որոշում է կայացրել գործարկել Արտակարգ իրավիճակների մասին օրենքը։ Փաստաթուղթն ընդունվել է 1988 թվականին և երբեք չի կիրառվել։ Այն կօգտագործվի «Ազատության շարասյան» ակտիվիստների դեմ, որոնք շարունակում են փակել Օտտավայի փողոցները։
Օրենքը թույլ է տալիս չեղարկել որոշ սահմանադրական իրավունքներ, օրինակ՝ արգելափակելու է բեռնատարների վարորդների ապահովագրությունը, գրում է Euronews-ը:
«Ցանկանում եմ պարզաբանում մտցնել․ այդ միջոցառումների մասշտաբները կսահմանափակվեն և՛ աշխարհագրորեն, և՛ ժամանակահատվածով։ Միջոցառումները կլինեն ողջամիտ և համաչափ այն սպառնալիքներին, որոնց դրանք պատրաստվում են անդրադառնալ: Խոսքը կանադացիներին անվտանգ պահելու, աշխատատեղերի պաշտպանության և կառավարության հանդեպ վստահության վերականգնման մասին է։ Իշխանությունների գործողությունները պահանջում են Օտտավայի բնակիչները, որոնք ապրում են արտակարգ իրավիճակում։ Ոմանք բողոքում են ցուցարարների ագրեսիվ գործողություններից։ ոմանք էլ աջակցություն են ցուցաբերում «Ազատության շարասյան» անդամներին»,- հայտարարել է Կանադայի վարչապետը։
Ոստիկանությունը նախօրեին հայտնել է, որ բերման է ենթարկել 11 անձի, որոնք մեղադրվում են իրավապահներին զինված դիմադրություն ցույց տալու փորձի մեջ։ Կանադայում ձերբակալվածների ընդհանուր թիվը մի քանի տասնյակի է հասնում։
Տաթև Ֆռանգյան
