17.12.2025 | 18:15
Պապոյանն ու Շվեյցարիայի դեսպանը քննարկել են տնտեսության ոլորտում երկկողմ համագործակցության ընդլայնման հնարավորությունները
ՄԱԿ-ի կանխատեսումներով՝ Ադրբեջանն այն երկրների շարքում է, որը կբախվի երաշտի․ երկրի ջրային ռեսուրսներն արդեն 10%-ով նվազել են
Քաղաքականություն
11.02.2022 | 23:03
Ադրբեջանը 20-րդ տեղն է զբաղեցնում այն երկրների շարքում, որոնք 2040թ․ կբախվեն երաշտի։ ՄԱԿ-ը կանխատեսում է, որ մինչև 2050 թվականը կլիմայական փոփոխությունների պատճառով առաջացած երաշտի հետևանքով Ադրբեջանում ջրամատակարարումը կկրճատվի 23%-ով, գրում են ադրբեջանական լրատվամիջոցները։
«ՄԱԿ-ի Զարգացման ծրագիրը կանխատեսում է, որ 2021-2050թթ․ կլիմայի փոփոխության հետ կապված երաշտի հետևանքով Ադրբեջանում ջրամատակարարումը կկրճատվի 23%-ով»,-ասել է Ադրբեջանի Գիտությունների ազգային ակադեմիայի փոխնախագահ, ակադեմիկոս Իրադա Հուսեյնովան «Հավասարություն բազմազանություն և ներառականություն. ջուրը միավորում է մեզ» կոնֆերանսի ժամանակ։
Նա նշել է, որ Ադրբեջանը 20-րդն է Բնական ռեսուրսների միջազգային ինստիտուտի կողմից կազմված երկրների ցանկում, որոնք 2040-ին կբախվեն երաշտի։
Իր հերթին էլ Ադրբեջանի էկոնոմիկայի նախարարության ներկայացուցիչ Ումայրա Տագիևան ասել է, որ կլիմայի փոփոխության արդյունքում հանրապետության ջրային պաշարներն արդեն նվազել են 10%-ով, և ապագայում կրճատումը կավելանա։
«Ներկայում երկրում ջրաբանական ցանցն ավտոմատացվում է ՝ ջրային ռեսուրսները գնահատելու և ճշգրիտ գրանցելու նպատակով։ Երկու տարվա ընթացքում գետերի վրա տեղադրվել է 25 ժամանակակից ավտոմատ հիդրոլոգիական կայան, նախատեսվում է ևս 11-ի տեղադրում»,-ասել է Տագիևան՝ հավելելով, որ, այնուամենայնիվ, ջրի արդյունավետ օգտագործման համար անհրաժեշտ է լրացուցիչ լուծումներ ներդնել։
Էմմա Չոբանյան
