16.09.2026 | 22:12
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
ՌԴ-ի ռազմական հարվածը հնարավոր է մինչև Օլիմպիական խաղերի ավարտը․ Բլինքեն
Քաղաքականություն
11.02.2022 | 21:57
Ռուսաստանի ներխուժումն Ուկրաինա, ըստ ԱՄՆ վարչակազմի, կարող է տեղի ունենալ ցանկացած պահի։ Ռազմական հարվածը հնարավոր է, այդ թվում՝ մինչև Պեկինում Օլիմպիական խաղերի ավարտը` մինչև փետրվարի 20-ը, ասել է ԱՄՆ-ի պետքարտուղար Էնթոնի Բլինքենը փետրվարի 11-ին Մելբուռն կատարած այցի ժամանակ, որտեղ նա հանդիպել է Ավստրալիայից, Հնդկաստանից և Ճապոնիայից ժամանած գործընկերների հետ, գրում է DW-ի ռուսական ծառայությունը։
«Այժմ մենք գտնվում ենք մի ժամանակաշրջանում, երբ ներխուժումը կարող է սկսվել ցանկացած պահի»,- ընդգծել է նա։ Միևնույն ժամանակ, ամերիկյան արտաքին քաղաքականության վարչության ղեկավարը նշել է, որ Ռուսաստանը շարունակում է ուժեր մոբիլիզացնել Ուկրաինայի հետ սահմանին մոտ գտնվող շրջաններում։
Այսպիսով, Բլինկքենը հերքել է որոշ փորձագետների գնահատականները, որոնք քիչ հավանական են համարում Ռուսաստանի և Ուկրաինայի միջև հակամարտության ռազմական սրումը Օլիմպիական խաղերի ժամանակ և մատնանշում են խաղերի բացմանը ՌԴ նախագահ Վլադիմիր Պուտինի ժամանումը։ Այցի ընթացքում նա հանդիպել է չինացի գործընկեր Սի Ցզինպինի հետ, կողմերը համերաշխություն են ցուցաբերել միջազգային քաղաքականության հարցերի շուրջ, նշում է AFP-ն։
Միաժամանակ Բլինքենը ևս մեկ անգամ զգուշացրել է Ուկրաինայի դեմ ռուսական հնարավոր ռազմական ագրեսիայի լուրջ հետևանքների մասին։ Նրա խոսքով՝ Արևմուտքն արդեն ուրվագծել է կոշտ պատժամիջոցների ցանկը՝ ներառյալ տնտեսական և ֆինանսական միջոցները, արտահանման վերահսկողությունը, Ուկրաինային աջակցությունը և ՆԱՏՕ-ի հզորացումը։
Տաթև Ֆռանգյան
