25.03.2026 | 23:01
Ադրբեջանում կտրուկ բարձրացվել են պաշտոնյաների աշխատավարձերը՝ դժգոհություններ առաջացրելով. OC Media-ի անդրադարձը
ԱՄՆ Պետքարտուղարությունը Թուրքիային կոչ է արել հարգել ու ապահովել մամուլի ազատությունը
Քաղաքականություն
11.02.2022 | 17:14
ԱՄՆ Պետքարտուղարությունը Թուրքիային կոչ է արել հարգել ու երաշխավորել մամուլի ազատությունն այն բանից հետո, երբ երկրում մեդիայի վերահսկող մարմինը երեք օր ժամանակ է տվել միջազգային լրատվամիջոցներին ՝պաշտոնական լիցենզիայի հայտ ներկայացնելու համար, գրում է «Ամերիկայի Ձայնի» թուրքական ծառայությունը։
«Թուրքիայում մամուլի ազատության հետ կապված մեր մտահոգությունները լավ փաստագրված են։ Մենք շարունակում ենք զգուշացնել Թուրքիային, որ հարգի և ապահովի մամուլի ազատությունը», – ասվում է ԱՄՆ Պետդեպարտամենտի «Ամերիկայի Ձայն»-ին ուղղված գրավոր պատասխանում:
Նշենք, որ փետրվարի 9-ին Թուրքիայի Ռադիոյի և հեռուստատեսության բարձրագույն խորհուրդը՝ RTÜK-ը, 72 ժամ ժամանակ էր տվել Ամերիկայի Ձայնի, Deutsche Welle-ի և Euronews-ի թուրքալեզու կայքերին՝ հրապարակման լիցենզիա ստանալու համար, հակառակ դեպքում նրանց սպասվում է արգելափակում։
Էմմա Չոբանյան
