10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Աստղագետ Սոնան մտադիր է Հայաստանում տիեզերական հետազոտությունների կենտրոն հիմնել
Հասարակություն
11.02.2022 | 15:09
Այսօր Գիտությամբ զբաղվող կանանց և աղջիկների միջազգային օրն է: Նշելով այն՝ մենք կանանց ու աղջիկներին հորդորում ենք, ի հեճուկս կարծրատիպերի և գենդերային կանխակալությունը, հետամուտ լինել գիտնական դառնալու իրենց երազանքներին. ֆեյսբուքի իր պաշտոնական էջում հաղորդագրություն է տարածել ՀՀ-ում ԱՄՆ դեսպանությունը:
«Օրվա կապակցությամբ ուզում ենք ներկայացնել Ֆուլբրայթ-Հովնանյան ծրագրի ուսանողներից մեկին՝ Սոնա Չիթչյանին, որը Միչիգանի նահանգային համալսարանում մագիստրոսական ծրագրով աստղագիտություն է ուսումնասիրում։ Ֆիզիկայի նկատմամբ սերը Սոնան զգացել էր դեռ 7-րդ դասարանում, երբ սկսել էր մաթեմատիկայի ու ֆիզիկայի օգնությամբ բացատրել ու բնութագրել բնական երևույթները։ Հաջորդիվ Սոնան ուսանել է Երևանի պետական համալսարանի ֆիզիկայի ֆակուլտետում՝ ստանալով բակալավրի աստիճան։
Բնական գիտությունների նկատմամբ սերն էլ Սոնային տարավ Միացյալ Նահանգներ, որտեղ Ֆուլբրայթ-Հովնանյան ծրագրի շնորհիվ նա կարողացավ հետամուտ լինել իր երազանքների իրականացմանը։ Ուսումնառությունն ավարտելուց հետո Սոնան մտադիր է Հայաստանում հիմնել տիեզերական հետազոտությունների կենտրոն»,- ասված է հաղորդագրությունում:
