09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Իրանի արտաքին քաղաքականությունը կենտրոնացած է հարևանների հետ կապերի ամրապնդման վրա․ Ռաիսի
Քաղաքականություն
11.02.2022 | 20:13
Իրանի նախագահ Իբրահիմ Ռաիսին հայտարարել է, որ երկրի արտաքին քաղաքականությունը կենտրոնացած է հարևանների և դաշնակիցների հետ կապերի ամրապնդման և տնտեսական դիվանագիտության զարգացման վրա, գրում է Tasnim news agency-ն։
«Վարչակազմի արտաքին քաղաքականությունը կենտրոնացած է հարևանների և դաշնակիցների հետ առավելագույն փոխգործակցության վրա, ուշադրություն դարձնելով տարածաշրջանային և միջազգային կազմակերպությունների կարողություններին և զարգացնելով տնտեսական դիվանագիտությունը »,-ասել է Ռաիսին Իսլամական Հանրապետությունում մի խումբ օտարերկրյա դեսպանների հետ հանդիպման ժամանակ, որը նվիրված է եղել Իսլամական հեղափոխության հաղթանակի 43-րդ տարեդարձին։
Նա հավելել է, որ Իրանի մոտեցումը աշխարհի երկրների, հատկապես հարևանների հետ հարաբերություններում, հիմնված է ոչ թե մարտավարական, այլ ռազմավարական նկատառումների վրա։
«Աշխարհի երկրների, հատկապես մեր հարևանների հետ հարաբերություններում մեր մոտեցումը ոչ թե մարտավարական, այլ ռազմավարական խնդիր է, և մենք խորապես հավատում ենք դրան՝ հույս ունենալով, որ հարևանների հետ աշխատանքը ավելի շատ փոխադարձ և ընդհանուր շահեր կբերի տարածաշրջանի բոլոր երկրներին»,- ասել է Իրանի ղեկավարը։
Տաթև Ֆռանգյան
