10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Սամվել Բաբայանի մեղադրանքը մեղմացվել է. «Իգլայի» աղմկոտ գործով նախաքննությունն ավարտվել է. armtimes.com
Քաղաքականություն
20.06.2017 | 16:40
Հունիսի 16-ին «Իգլայի» աղմկոտ գործով նախաքննության ավարտ է հայտարարվել. փոխանցում է armtimes.com-ը:
Այս գործով անցնում է ԼՂՀ ՊԲ նախկին հրամանատար Սամվել Բաբայանը, նրա մարտական ընկերը՝ Սանասար Գաբրիելյանը և ևս մեկ անձ:
Մինչ նախաքննության ավարտ հայտարարելը Սամվել Բաբայանի և մյուսների մեղադրանքը մեղմացվել է: Նրանց մեղադրանքից հանվել է 235.1-րդ հոդվածի 2-րդ մասի 1-ին կետը (ռազմամթերքի մաքսանենգություն): Այսպիսով՝ նրանք մեղադրվում են միայն ՀՀ քրեական օրենսգրքի 235 հոդվածի 2-րդ մասով (Ապօրինի կերպով զենք, ռազմամթերք ձեռք բերելը, կրելը կամ փոխադրելը, որոնք կատարվել են մի խումբ անձանց կողմից նախնական համաձայնությամբ):
Այս տեղեկությունը մեր զրույցում հաստատեցին, թե՛ Սանասար Գաբրիելյանի, թե՛ Սամվել Բաբայանի պաշտպանները: Վերջիններիս դեռ քրեական գործի նյութերը չի տրամադրվել: Գործի նյութերին ծանոթանալու համար պաշտպանական կողմը 10 օր ժամանակ է խնդրել:
Այս մեղադրանքով նրանց սպառնում է առավելագույնը 6 տարվա ազատազրկում:
Հիշեցնենք, որ Սամվել Բաբայանը ձերբակալվել էր մարտի 20-ին, ապա մի քանի օր անց կալանավորվել:
Այս գործի շրջանակներում վրաց իրավապահները Թբիլիսիում ձերբակալել էին նաեւ ոմն Ռոբերտ Ա.-ի: Նույն ժամանակում գլխավոր դատախազությունը դիմել էր վրաց գործընկերներին ՀՀ քաղաքացուն Հայաստանին հանձնելու պահանջով. մինչ այսօր, սակայն նրան կողմից որևէ պատասխան չի տրվել: Այսպիսով՝ անհայտ է մնում Թբիլիսիում ձերբակալված ՀՀ քաղաքացու ճակատագիրը:
