21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Թուրքական ընկերություններն ԻԼԻՊ-ին սարքավորումներ են մատակարարել ԱԹՍ-ների զինման համար
Քաղաքականություն
08.02.2022 | 22:38
Թուրքական երեք շինարարական ընկերություններ ԻԼԻՊ-ին մատկարարել են միլիոնավոր դոլարների նյութեր, որոնք օգտագործվել են անօդաչու թռչող սարքերի զինման համար։ Այս մասին գրում են թուրքական լրատվամիջոցները՝ վկայակոչելով Թուրքիայի ֆինանսական հանցագործությունների հետաքննության վարչության (MASAK) զեկույցը։
Երեք ընկերություններն են Ալթուն Ինջին, Էլֆերահ և Մավի Յելքեն ընկերությունները։ Սրանք բոլորը հիմանդրվել են ազգությամբ սիրիացի, սակայն Թուրքիայի քաղաքացիություն ստացած Իբրահիմ Հագ Գենեյդի կողմից, որն էլ նյութերը վաճառել է ԻԼԻՊ-ին զինյալներին։
Ջիհադիստական այս կազմակերպությունը դրանք օգտագործել է անօդաչու թռչող սարքեր ստեղծելու համար։ ԻԼԻՊ-ը հայտնի է իր անօդաչուների ծրագրով և դրանք օգտագործել է Իրաքում, Սիրիայում ընդհանուր հետախուզության հավաքագրման համար, ինչպես նաև՝ քարոզչական տեսանյութերի նկարահանման։
Նշվում է, որ Գենեյդը կապ է ունեցել ԻԼԻՊ-ի անօդաչուների փորձագետ Սաջիդ Ֆարուք Բաբարի հետ, որն էլ բեռներն ուղարկել է Սիրիա Թուրքիայի հարավային Մերսին նավահանգստով և սպանվել է 2017 թվականին ԱՄՆ-ի հարվածի հետևանքով, մինչ թուրքական հետախուզությունը ուշադիր հետևել է նրան։
Ի դեպ, 2021-ի հունվարին ԱՄՆ գանձապետարանը հայտնել էր, որ ԻԼԻՊ-ը շարունակում է հույսը դնել Թուրքիայում լոգիստիկ հանգույցների վրա ֆինանսների ստացման համար։ Տարբեր տվյալներով էլ՝ անցյալ տարի ապրիլին Թուրքիայի ԻԼԻՊ-ի 8 անդամի քաղաքացիություն է շնորհել։
Էմմա Չոբանյան
