15.12.2025 | 19:13
Լուվրը ժամանակավորապես փակ է․ աշխատակիցները գործադուլ են սկսել
Կանադայում բողոքի ցույցերը չեն դադարում․ Օտտավայի ոստիկանապետը դաշնային իշխանություններից օգնություն է խնդրել
Քաղաքականություն
08.02.2022 | 21:45
Օտտավայում արտակարգ դրության հայտարարումը վերջ չի դրել այստեղ արդեն տասն օր շարունակվող աննախադեպ բողոքի ակցիաներին։
Կանադայի մայրաքաղաքը կաթվածահար արած հակապատվաստումների ցույցը սկսվեց «Ազատության շարասյունով»՝ բեռնատարների վարորդների բողոքի ցույցով, որոնք վրդովված էին ԱՄՆ-Կանադական սահմանը հատելիս պատվաստումների անհրաժեշտությունից, հաղորդում է Euronews-ը:
Այժմ բողոքի ակցիաները վերածվել են բոլոր հակակորոնավիրուսային սահմանափակումների վերացման պահանջների և ստացել հակակառավարական բնույթ։
«Ես պատրաստ եմ մեռնել այստեղ՝ փողոցում, որ երեխաներս ու թոռներս ազատություն ունենան, դա հաստատ»,- ասում է ցուցարարներից մեկը։ -Առանց կասկածի… Ճանապարհին մենք տեսանք մարդկանց՝ պաստառներով։ Երեկոյան ժամը տասին կանգնել էին այնտեղ, 40 աստիճան սառնամանիքին իրենց պաստառներով ու ասում էին, որ իրենց միակ հույսը մենք ենք»։
Հարյուրավոր բեռնատարներ արգելափակել են երկրի խորհրդարանի շրջակայքը, իսկ Օտտավայի քաղաքապետը դիմել է դաշնային իշխանություններին օգնության համար: Պարզվում է՝ ոստիկանությունը պատրաստ չէր այսպիսի հզոր բողոքի ցույցերի.
«Սա աղետ է քաղաքի բնակիչների և բիզնեսի համար», – ասել է Օտտավայի ոստիկանապետ Փիթեր Սլոլին: «Սա պետք է դադարեցվի, և մենք անում ենք ամեն ինչ, որպեսզի դա տեղի ունենա: Մենք ավելի շատ օգնության կարիք ունենք: Մենք օգնություն ենք խնդրում։ Օգնությունը սկսում է հասնել, բայց առայժմ դա բավարար չէ»։
Վարչապետ Ջասթին Թրյուդոն պահանջում է պարտադիր պատվաստումներ, իսկ ընդդիմությունը, օգտվելով դրական թեստից հետո մեկուսացման մեջ գտնվող վարչապետի բացակայությունից, նրան մեղադրում է «երկրում նախկինում չտեսնված պառակտման մեջ»։
Տաթև Ֆռանգյան
