26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Ռուսաստանն ու Չինաստանը լրտեսում են LinkedIn-ի միջոցով․ Նիդերլանդների հատուկ ծառայություններ
Քաղաքականություն
08.02.2022 | 22:59
Ռուսաստանի և Չինաստանի հետախուզական ծառայությունները LinkedIn սոցիալական ցանցի միջոցով սիստեմատիկ կերպով փորձում են գաղտնի տեղեկատվություն ստանալ հոլանդական տեխնոլոգիական ընկերությունների աշխատակիցներից։ Այս մասին գրել է նիդերլանդական Financieele Dagblad (FD) հրատարակությունը՝ վկայակոչելով AIVD թագավորության գլխավոր հետախուզության և անվտանգության ծառայության ղեկավարությանը, գրում է DW-ի ռուսական ծառայությունը։
Նրա խոսքով՝ հետախուզության աշխատակիցները կեղծ օգտահաշիվներ են ստեղծում և հոլանդական ընկերությունների աշխատակիցներին ներկայանում են որպես նմանատիպ ոլորտի գիտնականներ, խորհրդատուներ կամ հավաքագրողներ։ Վստահություն հաստատվելուն պես, լրտեսները կարող են դիմել շանտաժի կամ կաշառակերության, նշել է FD-ն:
Մի շարք երկրների, այդ թվում՝ Նիդերլանդների հետախուզական ծառայությունները «ցնցված են» նման շփումների հաջող փորձերի քանակից, որոնց արդյունքում մարդիկ կիսվում են գաղտնի տեղեկություններով, նշել է հրատարակությունը։ Առաջիկա օրերին AIVD-ը սոցիալական ցանցերում արշավ կսկսի, որը նախազգուշացնում է հոլանդական ընկերություններին և պաշտոնյաներին վտանգների մասին:
Տաթև Ֆռանգյան
