14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
«Սա ազատամարտ է, մենք պետք է հաղթենք»․ Սասուն Միքայելյան.ՏԵՍԱՆՅՈՒԹ
Քաղաքականություն
17.04.2018 | 21:36
Քիչ առաջ ելույթ ունենալով Հանրապետության հրապարակի հանրահավաքում «Ելք»-ի պատգամավոր Սասուն Միքայելյանը կոչ արեց շարունակել համախմբված պայքարը։
«Սա ազատամարտ է, մենք պետք է հաղթենք»,- հայտարարեց պատգամավորը։
Նրա խոսքով՝ 1988 թ-ից Հանրապետության հրապարակում այդքան մարդ չէր հավաքվել և պայքարի ճանապարհին չկարողանալով համախմբվել, գնացել ենք պառակտման։ «Բայց այս բազմությունը եկել է ապացուցելու, որ հայ ժողովուրդը մեծ ժողովուրդ է։ Այսօր այսքան բազմություն է հավաքվել, չավարտած, չհաջողված գործերն իրականացնելու»,- հայտարարեց Միքայելյանը՝ շարունակելով․ «Լավ է լինել ազատ սոված գայլ, քան թե կուշտ կապած շուն»։
Սասուն Միքայելյանի խոսքով՝ մենք չենք հաղթել Արցախյան պատերազմը, որպեսզի մեր երկրում ապրենք տառապյալի կարգավիճակով, օտարի, հնազանդի կարգավիճակով։
«Այսօր մենք հպարտ ենք մեր համախմբվածությամբ և հաղթանակի արդյունքը դուք կտեսնեք»,-վստահեցրեց «Ելք»-ի պատգամավորը՝ կոչ անելով ոստիկանությանը միանալ ու սատարել ժողովրդի պայքարին։
