16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
Լիզ Թրասը մեկնում է Ռուսաստան՝ Ուկրաինա ներխուժման մասին նոր նախազգուշացումով
Քաղաքականություն
07.02.2022 | 22:13
Մեծ Բրիտանիայի արտաքին գործերի նախարար Լիզ Թրասը ծրագրում է փետրվարի 10-ին այցելել Մոսկվա։ Այս մասին հայտնում է բրիտանական The Times թերթը։ ՌԴ ԱԳՆ-ն ո՛չ հերքել, ո՛չ հաստատել է տիկին Թրասի այցը՝ ասելով, որ հանդիպումը «մշակման փուլում է»։
Ըստ The Times-ի՝ ՌԴ արտգործնախարար Սերգեյ Լավրովի հետ հանդիպմանը Լիզ Թրասը ծրագրում է պայմանավորվել Ռուսաստանի կողմից «էսկալացիայի նվազեցման և ագրեսիան դադարեցնելու» վերաբերյալ։ Ինչպես հանդիպման նախօրեին իր թվիթերյան էջում հայտնել է Մեծ Բրիտանիայի արտաքին գործերի նախարարության ղեկավարը, «Ռուսաստանի գործողությունները ցույց են տալիս, որ ներխուժման ծրագրեր չունենալու մասին պնդումները կեղծ են»։
Փետրվարի 1-ին՝ Մոսկվա ծրագրված այցի նախօրեին, Լիզ Թրասը վարակվել է կորոնավիրուսով։ Այս ճանապարհորդության ընթացքում նա պետք է ուղեկցեր Մեծ Բրիտանիայի վարչապետ Բորիս Ջոնսոնին։ Մեծ Բրիտանիայում հիվանդ մարդկանց ինքնամեկուսացման ժամկետը մեկ շաբաթ է։
Մինչ այս այցը, Մեծ Բրիտանիայի ԱԳՆ ղեկավարը հայտարարել էր Մեծ Բրիտանիայի կողմից հակառուսական պատժամիջոցների մասին՝ ուղղված ֆիզիկական և իրավաբանական անձանց դեմ, որոնք «ռազմավարական նշանակություն» ունեն ՌԴ իշխանությունների համար։ Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Մոսկվան անպատասխան չի թողնի պատժամիջոցները, որոնք պատրաստվում է կիրառել Լոնդոնը։
Տաթև Ֆռանգյան
