23.05.2026 | 18:21
Ըստ գտնվելու վայրի դիմումները կընդունվեն մինչև ժամը 19։00-ն. ՄՔԾ
Սերժ Սարգսյանի անունը դրել են վարչապետ, նույն հաջողությամբ նրան կարող էին հռչակել թագավոր, կայսր կամ գալակտիկայի իմպերատոր. Արարատ Միրզոյան
Քաղաքականություն
17.04.2018 | 20:08
Ազգային ժողովի «Ելք» խմբակցության պատգամավոր Արարատ Միրզոյանը Հանրապետության հրապարակում հանրահավաքի մասնակցիներին կոչ է անում չճանաչել Սերժ Սարգսյանին՝ որպես վարչապետ. «Սերժ Սարգսյանի անունը դրել են վարչապետ, նույն հաջողությամբ նրանք Սերժ Սարգսյանին կարող են հռչակել թագավոր, կայսր կամ գալակտիկայի իմպերատոր: Դա նույնքան ադեկվատ և իրականությանը համապատասխան կլիներ, որքան Սերժ Սարգսյանը՝ Հայաստանի Հանրապետության վարչապետ: Սերժ Սարգսյան Հայաստանի Հանրապետության վարչապետ չկա»,- ասաց Միրզոյանը՝ հայտարարելով, որ իշխանությունը Հանրապետության հրապարակում հավաքված ժողովուրդն է:
Միրզոյանը հայտարարեց, որ շարունակելու են պայքարը և շարունակելու են մտնել այն շենքերը, որոնք իրենք են ուզում և իրենք ինչ ուզում, այն էլ անելու են. «Մի քանի օրվա ընթացքում մենք այդ խեղճերին համոզում ենք, որ իշխանությունը մենք ենք»,- ասաց պատգամավորը:
Տեսանյութը՝ շուտով:
