«Վաղը, եթե ոստիկանությունը նորից այդ միջոցները կիրառի, մենք կարող է ունենանք մահվան դեպք»․ Անդրանիկ Քոչարյան. ՏԵՍԱՆՅՈՒԹ

Լուրեր

19.11.2026 | 10:07
Հրանտ-Լեոն Ռանոսը դուբլի հեղինակ է դարձել Իսպանիայի գավաթի խաղում. ՏԵՍԱՆՅՈՒԹ
19.11.2026 | 10:00
ԱԺ-ն քննարկում է 2027 թվականի բյուջեի նախագիծը. ՈՒՂԻՂ
19.11.2026 | 09:45
ՀՀ տարածքում ավտոճանապարհները հիմնականում անցանելի են
19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
19.11.2026 | 09:03
Անհետ կորած անձանց ճակատագիրը․ մարդասիրական երկխոսություն և համագործակցություն. ՈՒՂԻՂ
18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
Բոլորը

Ներքին գործերի և պաշտպանության նախկին փոխնախարար, «Մարտի 1»-ի փաստահավաք խմբի անդամ Անդրանիկ Քոչարյանը Factor.am-ի հետ զրույցում զգուշացնում է, որ Բաղրամյան պողոտայում երեկ կիրառված ոստիկանության հատուկ միջոցների արդյունքում հնարավոր է մահվան դեպք լիներ։

«Մեր բախտը բերեց, որ այս անգամ մահվան դեպքեր չունեցանք, բայց դրանք ամեն վայրկյան կարող էին լինել, որովհետև այն միջոցները, որ կիրառեց ոստիկանությունը, և ունեցանք այնպիսի վիրավորներ, նաև՝ վիրավորներ ոստիկանությունից, ինչպիսիք կային նաև «Մարտի 1»-ին։ Այսինքն՝ բեկորային վնասվածք ստացած թե՛ ոստիկանները, թե՛ ցուցարարաները հուշում են այն մասին,որ կիրառված սպառազինությունը էֆեկտիվ չի նման միջոցառումների ժամանակ կիրառելու պարագայում, որովհետև մարդկանց առողջությանը մեծ վնաս կարող է հասցնել՝ ընդհուպ մինչև մահվան դեպքեր»,- նշեց Քոչարյանը։

Ըստ նրա՝ փաստորեն ոստիկանությունը ոչ մի դաս չի քաղել, և երեկ էլ կիրառված հատուկ միջոցների արդյունքում եղավ մի քանի ծանր վիրավորում։ «Ճարտարապետ Զավեն Գրիգորյանը պայթյունի արդյունքում ստացել է ոտքի կոտրվածք և շատ խորը բեկորային վնասվածք, և հիմա վիրահատություններ են իրականացնում, որ փրկեն նրա առողջությունը։ Սա խոսում է այն մասին, որ եթե այդ պայթյունը ոչ թե ոտքերի տակ լիներ, այլ մեկ այլ բարձրության վրա, գուցե քաղաքացին մահանար»,- ասաց ՆԳՆ նախկին փոխնախարարը՝ հավելելով, որ այսինքն, տվյալ միջոցի կիրառումը ոչ միայն լուծում էր հանրահավաքը ցրելու խնդիր, այլև կարող էր մահվան պատճառ դառնալ։

Ուստի փաստահավաք խմբի նախկին անդամը կարծում է, որ երեկվա պայթյունները պետք է հետաքննվեն և պատասխանատուները պետք է պատասխան տան. «Այն միջոցները, որոնք կարող են մարդկանց առողջության և կյանքի համար վտանգ ներկայացնել, պետք է իսպառ հանվեն ոստիկանության արսենալից։ Շատ հանգիստ դրա կիրառման արդյունքում կարղ էինք ունենալ մահվան դեպքեր»։

Ըստ ՆԳՆ նախկին փոխնախարարի՝ այդ միջոցների կիրառման հրաման տվողը կարող է ներքին զորքերի հրամանատարը լինել։ «Վաղը, եթե նորից ոստիկանությունն այդ միջոցները կիրառի, մենք կարող է ունենանք մահվան դեպք»,- զգուշացրեց Քոչարյանը՝ հավելելով, որ հատուկ միջոցների կիրառման կարիք չի տեսնում, քանի որ ցուցարարներն իրականացնում են բաց ձեռքերի պայքար։

«Ակնհայտ է, որ պայքարը ավելի մեծ շերտեր է ներառում իր մեջ։ Փոփոխություններն անխուսափելի են»,- տեսակետ հայտնեց Քոչարյանը։

Մանրամասները դիտեք հարցազրույցում։

Մարինե Խառատյան