09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ստոլտենբերգը և Մեծ Բրիտանիայի ԱԳ նախարարը նախազգուշացրել են Ուկրաինա ներխուժման հետևանքների մասին
Քաղաքականություն
05.02.2022 | 19:07
Մեծ Բրիտանիայի ԱԳ նախարար Լիզ Թրասսը և ՆԱՏՕ-ի գլխավոր քարտուղար Յենս Ստոլտենբերգը հայտարարել են ՆԱՏՕ-ի անդամների միասնության և «հսկայական գնի» մասին, որը Ռուսաստանը ստիպված կլինի վճարել Ուկրաինա ներխուժման դեպքում: ТАСС-ի փոխանցմամբ՝ այդ մասին նա գրել է Twitter-ի իր էջում դաշինքի ղեկավարի հետ հեռախոսազրույցից հետո։
«Խոսել եմ ՆԱՏՕ-ի գլխավոր քարտուղար Յենս Ստոլտենբերգի հետ։ Մենք համաձայնեցինք, որ Ռուսաստանը պետք է դադարեցնի ապակայունացնող գործունեությունն Ուկրաինայում, որ ՆԱՏՕ-ին անդամակցելու որոշումները պետք է ընդունվեն ՆԱՏՕ-ի և նրանց կողմից, ովքեր ձգտում են անդամակցությանը: ՆԱՏՕ-ի դաշնակիցները միասնական են։ Ցանկացած ռուսական ներխուժման համար [Մոսկվան-խմբ․] ստիպված կլիներ հսկայական գին վճարել»,- ասված է Մեծ Բրիտանիայի ԱԳ նախարարի հրապարակված հաղորդագրության մեջ։
Վերջին ժամանակներս Արևմուտքի երկրներում, ինչպես նաև Ուկրաինայում հայտարարություններ են հնչում Ուկրաինայի տարածք Ռուսաստանի հնարավոր ներխուժման մասին: Ռուսաստանի նախագահի մամուլի քարտուղար Դմիտրի Պեսկովն ավելի վաղ նման տեղեկատվությունը անվանել էր դատարկ և անհիմն լարվածության սրում: Նա ընդգծել է, որ Ռուսաստանը ոչ մեկի համար սպառնալիք չի ներկայացնում։ Ընդ որում, նա չի բացառել սադրանքների հնարավորությունը և նախազգուշացրել է, որ Ուկրաինայի հարավ-արևելքում ճգնաժամի ուժային լուծման փորձերն ամենալուրջ հետևանքներն են ունենալու:
