21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Էմանուել Մակրոնը կայցելի Մոսկվա, հետո՝ Կիև
Քաղաքականություն
04.02.2022 | 13:51
Ֆրանսիայի նախագահ Էմանուել Մակրոնը փետրվարի 8-ին կհանդիպի Ուկրաինայի նախագահ Վլադիմիր Զելենսկու հետ։ Մինչ այդ, փետրվարի 7-ին նա կայցելի Մոսկվա, որտեղ կհանդիպի ՌԴ նախագահ Վլադիմիր Պուտինի հետ։ Այս մասին հայտնում է Reuters-ը՝ հղում կատարելով Ելիսեյան պալատին։
Փետրվարի 3-ին Մակրոնը հեռախոսազրույց է ունեցել Ռուսաստանի և Ուկրաինայի նախագահների հետ։ Երկրների ղեկավարները քննարկել են Դոնբասի խնդիրները։
Ֆրանսիայի նախագահն ընդգծել է Եվրոպայում ռազմավարական հավասարակշռության հասնելու պայմանների քննարկման կարևորությունը, որը կնվազեցնի լարվածությունը և կապահովի անվտանգությունը։
Հիշեցնենք՝ Ուկրաինայի շուրջ ստեղծված իրավիճակը նախօրեին Մակրոնը քննարկել էր նաև ԱՄՆ նախագահ Ջո Բայդենի հետ։ Նախագահները համաձայնել են, որ իրենց թիմերը կշարունակեն խորհրդակցել ՆԱՏՕ-ի դաշնակիցների ու ԵՄ գործընկերների հետ՝ համակարգված և համապարփակ լուծելու այս խնդիրները:
Տաթև Ֆռանգյան
