10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Պուտինը խոսել է ՌԴ-ի և Չինաստանի համագործակցության մասին
Քաղաքականություն
03.02.2022 | 12:36
Ռուսաստանն ու Չինաստանն իրենց հարաբերություններում հաշվի են առնում միմյանց փոխադարձ շահերը։ Այս մասին Պեկին այցի նախաշեմին չինական «Սինհուա» գործակալության համար գրել է նախագահ Վլադիմիր Պուտինը, որը հրապարակվել է նաև Կրեմլի պաշտոնական կայքում։
Ռուսաստանի ղեկավարի այցը Չինաստան նախանշված է փետրվարի 4-ին։
«Առաջին հերթին դա իրավահավասարություն է, միմյանց շահերը հաշվի առնելը, ազատվելը քաղաքական և գաղափարական կոնյունկտուրայից, անցյալի մնացորդներից: Այս սկզբունքների վրա է, որ մենք հետևողականորեն, շարունակականության ոգով խորացնում ենք քաղաքական երկխոսությունը»,- նշել է ՌԴ ղեկավարը։
Նա հավելել է, որ Ռուսաստանն ու Չինաստանը սերտ դիրքորոշումներ ունեն գլոբալ և տարածաշրջանային խնդիրների լուծման հարցում իրենց մոտեցումներում։
«Մեր երկրները կարևոր կայունացնող դեր են խաղում ժամանակակից, ոչ պարզ միջազգային իրավիճակում, նպաստում են միջպետական հարաբերությունների համակարգի ժողովրդավարացման գործընթացներին՝ այս համակարգն ավելի արդար, ներառական դարձնելու համար»,- հայտարարել է նա։
Տաթև Ֆռանգյան
