29.09.2026 | 09:58
ՀՀ տարածքում ավտոճանապարհներն անցանելի են
Այսօրվանից սկսում է ուրիշ Սերժ Սարգսյանի կենսագրություն, որը չի ունենալու քավության նոխազ․ Էդմոն Մարուքյան․ ՏԵՍԱՆՅՈՒԹ
Քաղաքականություն
17.04.2018 | 15:13
Ազգային ժողովում ԱԺ «Ելք» խմբակցության պատգամավոր Էդմոն Մարուքյանն իր ելույթում նշեց, որ իր պատգամավորության այս վեց տարիների ընթացքում իրեն ընձեռնվել է բացառիկ շանս՝ հարց տալ Սերժ Սարգսյանին․ «Մենք ունենք իրավիճակ, երբ կարող ենք թիվ մեկ պատասխանատուին ասել այն, ինչ կատարվում է, որովհետև ում ինչ ցույց ենք տալիս, ասում են՝ մենք կապ չունենք և ցույց է տալիս Ձեր նկարը»։
Մենք Ձեզ խնդրում ենք, որ Դուք այլևս բարեփոխում չանեք, որովհետև ինչքան լավ բան ուզում եք անել, ռեգրեսիա է ստացվում․ «Ձեր առողջապահության նախարարը ամեն օր մտածում է, որ մարդկանց համար անհարմար լինի, Ձեր տրանսպորտի նախարարը ամեն օր մտածում է, որ մեր երկրի թիվ մեկ խնդիրը աջ ղեկն է։ Ես չեմ հասկանում՝ Դուք որտեղի՞ց եք գտնում այդ մարդկանց»,- վարչապետի թեկնածուին ասաց Մարուքյանը՝ պնդելով, որ Սերժ Սարգսյանի կառավարմամբ որևէ բան այս երկրում չի փոխվելու, քանի որ սա ճահիճ է ու ֆեյք կառավարման համակարգ, ուստի այսօրվանից սկսվում է ուրիշ Սերժ Սարգսյանի կենսագրություն, որը չի ունենալու քավության նոխազ։
Ամբողջությամբ՝ տեսանյութում
