19.05.2026 | 20:48
Ոչ մի ղեկավար Գյումրիի համար այնքան չի արել, ինչքան ես, դա փաստ է․ Քոչարյան. ՏԵՍԱՆՅՈՒԹ
Նիկոլ Փաշինյանը դեռ ինքնամեկուսացման մեջ է
Հասարակություն
02.02.2022 | 12:42
ՀՀ վարչապետ Նիկոլ Փաշինյանը շարունակում է մնալ ինքնամեկուսացման մեջ: Այս մասին Factor.am-ին փոխանցեցին կառավարության աշխատակազմի հասարակայության հետ կապերի և լրատվության վարչությունից:
Նիկոլ Փաշինյանի՝ կորոնավիրուսով վարակված լինելու մասին պաշտոնապես հայտարարվեց հունվարի 26-ին: Ըստ այդմ՝ փետրվարի 1-ին լրացավ Փաշինյանի ինքնամեկուսացման 7-րդ օրը:
Հիշեցնենք՝ փետրվարի 1 -ից ուժի մեջ մտած նոր որոշման համաձայն սահմանված դեղաչափերով (դեղաչափով) ամբողջական պատվաստված անձինք ինքնամեկուսացվում են ՊՇՌ հետազոտության նմուշառման օրվանից հաշված 7 օրացուցային օրով: Չպատվաստված անձինք ինքնամեկուսացվում են ՊՇՌ հետազոտության նմուշառման օրվանից հաշված 10 օրացուցային օրով: Որոշման գործողությունը տարածվում է նաև ուժի մեջ մտնելու օրվա դրությամբ ինքնամեկուսացման մեջ գտնվող անձանց վրա։
Հաշվի առնելով այն հանգամանքը, որ Փաշինյանը պատվաստման ամբողջական դեղաչափ ստացել է, ըստ ամենայնի, նրա համար ինքնամեկուսացման ժամկետը կարող է ավարտված համարվել։
