19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Եթե օրենքով ինձ չի հասնում առանձնատուն, կարող եմ վերադարձնել, բայց եթե հասնում է, պետք է շնորհավորեք, որովհետև ես էլ ունեցա սեփական տուն Երևանում. Սերժ Սարգսյան․ ՏԵՍԱՆՅՈՒԹ
Քաղաքականություն
17.04.2018 | 15:04
Ազգային ժողովի «Ելք» խմբակցության պատգամավոր Արտակ Զեյնալյանն այսօր ԱԺ-ում վարչապետի թեկնածու Սերժ Սարգսյանին ուղղեց մի շարք հարցեր, որոնք վերաբերում էին և՛ արդարադատության համակարգին, և՛ Հայաստանի վերաբերյալ ՄԻԵԴ վճիռներին, և՛ ընտրությունների ընթացքում տրված ընտրակաշառքերին, և՛ Հայաստանում քաղաքական հայացքներով պայմանավորված հետապնդումներին։
Արտակ Զեյնալյանի հարցադրումներին ի պատասխան Սերժ Սարգսյանն արձագանքեց․«Ի՞նչ եք կարծում, ես ի վիճակի՞ եմ պատասխանելու առնվազն վեց հարցի»: Վարչապետի թեկնածուն՝ չհամաձայնելով տեսակետի հետ, որ ընտրությունների ժամանակ բաժանվել են ընտրակաշառքներ․ «Եթե համատարած կաշառք բաժանվեր, ես, կարծում եմ, այս պայմաններում, երբ ամեն գործիքով նկարում են, բազմաթիվ տեսագրություններով հեղեղած կլիներ համացանցը»։
Վարչապետի թեկնածուն նաև բացառեց, որ Հայաստանում քաղաքական հայացքներով պայմանավորված հետապնդումներ են իրականացվում: «Նրանք շատ ավելի մեղմ վերաբերմունքի են արժանացել»,- ասաց Սարգսյանը։
Մանրամասները՝ տեսանյութում:
