09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ռուսաստանն ու Բելառուսը համատեղ վարժանքներ են սկսել
Քաղաքականություն
02.02.2022 | 12:30
Բելառուսում մեկնարկել է «Միութենական պետության միութենական վճռականություն-2022» արձագանքման ուժերի ստուգման առաջին փուլը, որի ժամանակ ռուս և բելառուս զինծառայողները կմշակեն պաշտպանական և ապօրինի խմբավորումների դեմ պայքարի հնարքներ։ Այս մասին հայտնում է ՌԴ ՊՆ-ն։
«Ռուսաստանի Դաշնության Զինված ուժերի Արևելյան ռազմական օկրուգի և Բելառուսի Հանրապետության զինված ուժերի ստորաբաժանումներն ու զորամասերը, որոնք ներգրավված են Միութենական պետության արձագանքման ուժերի ստուգման մեջ, սկսել են մարտական համակարգումը Դոմանովսկի, Գոժսկի, Օբուզ-Լեսնովսկի, Բրեստսկի և Օսիպովիչսկի հրձագարաններում»,- ասվում է հաղորդագրության մեջ։
Նախատեսվում է նաև օգտագործել չորս օդանավակայան՝ Բարանովիչի, Լունինեցի, Լիդայի և Մաչուլիշչիի։
Նշվում է, որ մոտոհրաձգային ստորաբաժանումների, տանկերի, հետևակի մարտական մեքենաների, հրետանային անձնակազմի, հակատանկային կառավարվող հրթիռային համակարգերի անձնակազմերի հետ անցկացվում են մարտավարական և կրակային պատրաստության, մարտական մեքենաների վարման և այլ առարկաների կառավարման վարժանքներ։
Տաթև Ֆռանգյան
