20.11.2024 | 16:19
Էրդողանը ճիշտ չի համարում ՌԴ-ին ATACMS հրթիռներով հարվածելու՝ Բայդենի թույլտվությունը
Մրցույթ՝ գիտնականների համար. 2 հաղթողներին կշնորհվի 250 000-ական դոլար պարգև. ԿԳՄՍՆ
Հասարակություն
02.02.2022 | 10:52
Մեկնարկել է հիմնարար գիտությունների ոլորտում Մենդելեևի անվան ՅՈԻՆԵՍԿՕ-ի միջազգային մրցանակի հայտերի ընդունման 2022 թվականի շրջափուլը. տեղեկացնում են ԿԳՄՍՆ-ից։
Մրցանակը սահմանված է այն գիտնականների համար, որոնց գործունեությունը շոշափելի ազդեցություն կամ ավանդ ունի հիմնարար գիտությունների՝ քիմիայի, ֆիզիկայի, մաթեմատիկայի կամ կենսաբանության զարգացման համար: Ամենամյա այս մրցանակի նպատակն է աջակցել գիտնականների գործունեությանը, խրախուսել երիտասարդներին, հատկապես՝ աղջիկներին:
Մրցանակի շրջանակում ընտրվում է երկու հաղթող, որոնց շնորհվում է 250 000-ական ԱՄՆ դոլար դրամական պարգև։
Հայտերը պետք է ներկայացվեն անգլերենով կամ ֆրանսերենով:
Մրցանակի, ինչպես նաև հայտերի ներկայացման վերաբերյալ մանրամասներին կարելի է ծանոթանալ կից ներկայացվող նյութից և մրցանակի պաշտոնական կայքէջից՝ https://bit.ly/3gb5oxO:
Մասնակցության դեպքում թեկնածուները իրենց տվյալները մինչև 2022 թվականի փետրվարի 28-ը պետք է ուղարկեն [email protected] էլ. փոստի հասցեին:
