14.05.2026 | 23:01
Որևէ պետական հիմնարկ չի կարող պատկանել որևէ մեկին. Անահիտ Ավանեսյանը դատապարտել է Տաշիրի պոլիկլինիկայում տեղի ունեցած միջադեպը
Հայաստանի ազգային հավաքականի դարպասապահը տեղափոխվել է «Փյունիկ»
02.02.2022 | 10:39
«Փյունիկ» ֆուտբոլային ակումբը նոր համալրում ունի: Թիմին է միացել Հայաստանի ազգային հավաքականի 35-ամյա դարպասապահ Դավիթ Յուրչենկոն։ Այս մասին հայտնում է ակումբի պաշտոնական կայքը:
Յուրչենկոն կարիերան սկսել է 2004 թ.՝ Մոսկվայի «Տիտան» ակումբում, իսկ մեկ տարի անց տեղափոխվել է Լատվիան ներկայացնող Լիեպայայի «Մետալուրգ»: 2007 թ. մրցաշրջանում խաղացել է Մինսկի «Դինամոյում», այնուհետև 2008-11 թթ. հանդես է եկել Սամարայի «Կռիլյա Սովետովում», որտեղից մեկ մրցաշրջան վարձակալական հիմունքներով խաղացել է Աստրախանի «Վոլգարում»: Դավիթ Յուրչենկոն ելույթ է ունեցել նաև Սարանսկի «Մորդովիայում» (2012-13 թթ.), «Ուֆայում» (2013-16 թթ.), Մախաչկալայի «Անժիում» (2016-17 թթ.), «Տոսնոյում» (որի կազմում 2017/18 թթ. մրցաշրջանում դարձել է Ռուսաստանի գավաթակիր), Կրասնոյարսկի «Ենիսեյում» (2018-19 թթ.) և Կարագանդայի «Շախտյորում» (2020 թ.):
Յուրչենկոյի վերջին թիմը եղել է Երևանի «Ալաշկերտը», որի կազմում նա հանդես էր գալիս 2021 թ. հունվարից: Դավիթ Յուրչենկոն Հայաստանի ազգային հավաքականի կազմում անցկացրել է 17 հանդիպում:
