29.09.2026 | 10:30
«Նուբարյան Լաբ»-ն ու «World of Geniuses»-ը համագործակցության հուշագիր են ստորագրել
Այնքան են դատարկել պահեստայինների նստարանը, որ Սերժ Սարգսյանի իրավահաջորդը նորից Սերժ Սարգսյանն է․ Արամ Սարգսյան․ ՏԵՍԱՆՅՈՒԹ
Քաղաքականություն
17.04.2018 | 14:36
Ազգային ժողովի հատուկ նիստում ԱԺ «Ելք» խմբակցության ղեկավար Արամ Սարգսյանն անդրադարձավ երկրում տիրող իրավիճակին և, մասնավորապես, շեշտեց, որ մինչ օրս իշխանություններին այդպես էլ չհաջողվեց կոտրել գաղջ մթնոլորտը:
«Ցրեցի՞ք այդ գաղջ մթնոլորտը, ասացիք, որ անվստահության պատերը քանդել է պետք, քանդեցի՞ք, այդ անվստահության պատերը այս շենքի դիմացը դրված են։ Կարծես Հայաստանը մենակ այս դահլիճում է»,- ասաց Սարգսյանը՝ ընդգծելով, որ եթե կատարվածից դասեր չենք քաղում, ոչ մի 21-րդ դար էլ մերը չի լինի։
Պատգամավորի խոսքով՝ այս տարիների ընթացում այնքան են դատարկել պահեստայինների նստարանը, որ Սերժ Սարգսյանի իրավահաջորդը նորից Սերժ Սարգսյանն է։
«Նախագահից նախագահ, նախագահից վարչապետ․ էս դեժավյուից չե՞ք հոգնել»,- Սերժ Սարգսյանին հարց ուղղեց Արամ Սարգսյանը՝ նշելով, որ Սերժ Սարգսյանը երրորդ անգամ պաշտոնավարելու իր այս որոշումը կայացրել է, որովհետև ԵՏՄ-ի իր գործընկերներից չի ուզում ետ մնալ։
Ամբողջությամբ՝ տեսանյութում:
