12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Սերժ Սարգսյանի ասածները կարելի է ջախջախել, ինքն իր իրականության մեջ է եղել բանակցային պրոցեսում. Ալեն Սիմոնյան․ ՏԵՍԱՆՅՈւԹ
Քաղաքականություն
01.02.2022 | 22:27
Նախկին նախագահ Սերժ Սարգսյանն իր վերջին հարցազրույցում անդրադարձել է նաև արցախյան հիմնահարցին՝ ասելով, որ գործող իշխանությունը չի տիրապետել բանակցային պրոցեսին և չի կարողացել պատշաճ պաշտպանել ՀՀ շահերը: Հանրային հեռուստաընկերության «Հարցազրույց Պետրոս Ղազարյանի հետ» հաղորդման ժամանակ ՀՀ նախագահի լիազորությունները ժամանակավորապես իրականացնող Ալեն Սիմոնյանը, անդրադառնալով այս դիտարկմանը, նշեց. «Բնական է, որ Սերժ Սարգսյանը պետք է նման ձևով ներկայացնի, բայց անձամբ ինքը բանակցային պրոցեսի գնահատականը տվել է 2018թ., երբ ասել է, որ բանակցային գործընթացը փակուղում է և լավատեսություն չի ներշնչում:
Հարցազրույցը դիտել եմ, և այնպիսի տպավորություն էր, թե Արցախի հարցը լուծված է եղել, և մենք չենք տիրապետել դրան:
Ժամուկես ինքն իրեն ու բանակցային պրոցեսները որ գովաբանում էր, հարց է առաջանում, եթե ամեն ինչ այդքան լավ էր ընթանում, ապա ինչու հարցը չլուծվեց, ինչու եղավ ապրիլյան պատերազմը:
Կարծում եմ՝ նախադասություն առ նախադասություն կարելի է ջախջախել պարոն Սարգսյանի ասածները, բայց նաև հասկանում եմ, որ ինքը իր իրականութան մեջ է եղել, նույնիսկ բանակցային պրոցեսի մեջ ինքն իր իրականութան մեջ է եղել, որը սխալ է եղել»:
Մանրամասները՝ տեսանյութում:
