10.08.2026 | 23:23
ԹԻՀԿ-ն ուսումնասիրել է Երևանի 70 բարեկարգված բակերի ու խաղահրապարակների որակն ու անվտանգությունը
Մենք այսօր խորհրդարանական եղանակով կազմավորում ենք կառավարություն, որի առաջին քայլն ԱԺ-ի կողմից վարչապետ ընտրելն է. Սերժ Սարգսյանի ելույթը ԱԺ-ում
Քաղաքականություն
17.04.2018 | 12:49
Այսօր հրավիրված ԱԺ հատուկ նիստի ընթացքում ելույթ ունեցավ վարչապետի թեկնածու, ՀՀ երրորդ նախագահ Սերժ Սարգսյանը: ԱԺ ՀՀԿ խմբակցությունը կոալիցիոն գործընկերոջ` ՀՅԴ–ի հետ երեկ նիստ էր գումարել, որի ընթացքում վարչապետի թեկնածուի պաշտոնում առաջադրել էր Սերժ Սարգսյանի թեկնածությունը։ Իր ելույթում Սերժ Սարգսյանն ասաց․«Երկու կողմից շրջափակված, փաստացի պատերազմական իրավիճակում գտնվող երկրի դեպքում, երբ իշխող կուսակցության ղեկավարը փորձի ի դեմս այլ մեկի փաստացի իրականացնել վարչապետի գործառույթները, դա, ըստ էության, կլինի ոչ միայն թուլություն, փախուստ պատասխանատվությունից, այլ իշխանական ուղղահայացի վտանգում, չհիմնավորված երկիշխանության տարրերի ակամա ներմուծում՝ իր բոլոր հետևանքներով։ Սա հատկապես վտանգավոր է հարկ եղած պահերին համապետական մոբիլիզացիայի և բոլոր ռեսուրսները համախմբելու ու վտանգի չեզոքացմանն ուղղելու հրամայականի դեպքում, մի բան, որից, ցավոք, մենք երաշխավորված չենք։ Ինձ՝ որպես Հանրապետական կուսակցության ղեկավարի համար փախուստն անձնական պատասխանատվությունից անընդունելի է. երբեք չեմ արել ու չեմ էլ պատրաստվում: Ահա առաջին հերթին հենց այդ պատճառով է, որ այսօր ես այս ամբիոնին կանգնած եմ»։
Ելույթն ամբողջությամբ՝ տեսանյութում:
