21.04.2026 | 13:05
Արման Ծառուկյանը մտադիր է ինքնաթիռ գնել
Գագիկ Ջհանգիրյանը կապ չունի բարեփոխումների հետ. Վարդևանյան․ ՏԵՍԱՆՅՈՒԹ
Քաղաքականություն
01.02.2022 | 15:38
«Այս իշխանությունները չեն կարողանում հանդուրժել անկախ դատավորներին»,- այս մասին»,- այս մասին ԱԺ-ում լրագրողների հետ զրույցում նշեց ԱԺ «Հայաստան» խմբակցության պատգամավոր Արամ Վարդևանյանը:
«Այս իշխանությունները մեկ տարում ստեղծեցին բառացիորեն կալանքի դատարաններ, հատ-հատ ընտրեցին, թե ովքեր պետք է լինեն այնտեղի դատավորները: Դուք չեք լսի մի դեպք, որ իշխանության շահագրգռության պայմաններում մի գործով այդ կալանքի դատարանները մերժեն կալանքը»,-ասաց նա:
Անդրադառնալով բարեփոխումների մասին իշխանության խոստումներին և ԲԴԽ նախագահի պաշտոնակատար Գագիկ Ջհանգիրյանի գործունեությանը՝ վարդևանյանը նշեց. «Գագիկ Ջհանգիրյանը մեծ փորձ ունեցող մարդ է իրավաբանության ոլորտում, իրավագիտության ոլորտում ևս փորձ ունի: Բայց, կներեք, նաև շատ մեծ փորձ ունի ոչ բարեփոխումների հետ կապված գործողություններում… Ես չեմ պատկերացնում, թե Գագիկ Ջհանգիրյանն ինչ առնչություն ունի դատական համակարգի բարեփոխումների հետ…»:
«Պատկերը տեսնում ենք, կալանքի որոշումներ են կայացվում, հիմնավոր կասկածի մեկնաբանման շեմը նվազեցվեց ԲԴԽ-ն մի ֆանտաստիկ որոշմամբ, որ մարդկանց հեշտ կալանավորեն: Դրան հաջորդում է դատավորների նկատմամբ հետապնդումը միաձայն ընդունելու պրակտիկա: Կարծես թե սա չի բարեփոխումը»,- նշեց Վարդևանյանը:
Մանրամասները՝ տեսանյութում:
