07.11.2024 | 09:30
ՀՀ տարածքում ավտոճանապարհներն անցանելի են. Լարսը փակ է բեռնատարների համար
ՌԴ ԱԳՆ-ն հերքել է ԱՄՆ-ին անվտանգության առաջարկների վերաբերյալ պատասխանի փոխանցումը
Քաղաքականություն
01.02.2022 | 14:03
Ռուսաստանը դեռ պատասխան չի ուղարկել ԱՄՆ-ին անվտանգության երաշխիքների հարցի շուրջ։ Այս մասին «ՌԻԱ Նովոստիին» ասել է ՌԴ փոխարտգործնախարար Ալեքսանդր Գրուշկոն։
Ավելի վաղ մի շարք հեղինակավոր լրատվականներ, վկայակոչելով ԱՄՆ Պետքարտուղարության անանուն ներկայացուցչին, հայտնել էին, որ Մոսկվան պատասխանել է Վաշինգտոնից ստացված առաջարկներին, սակայն հանրային տարածքում բանակցություններ վարելն անարդյունավետ է, ուստի մանրամասները դեռ չեն հրապարակվի։
«Սա չի համապատասխանում իրականությանը»,- մեկնաբանել է ռուսաստանցի պաշտոնյան։
Ռուսաստանը դեռ պատասխան է պատրաստում ԱՄՆ-ին և ՆԱՏՕ-ին, հավելել է դիվանագիտական բարձրաստիճան աղբյուրը։ Նա հաստատել է, որ արտգործնախարար Սերգեյ Լավրովն ուղերձ է հղել իր արևմտյան գործընկերներին, մասնավորապես՝ ԱՄՆ պետքարտուղար Էնթոնի Բլինքենին, բայց «խոսքը վերաբերում է անվտանգության անբաժանելիության սկզբունքի ըմբռնմանը, սա դեռ պատասխան չէ՝ որպես այդպիսին»։
Տաթև Ֆռանգյան
