17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Էլեկտրաէներգիան այսօրվանից թանկանում է․ սակագինն ո՞ւմ համար չի փոխվի․ ՏԵՍԱՆՅՈՒԹ
Տնտեսություն
01.02.2022 | 12:45
Այսօրվանից քաղաքացիները միջինը 4,7 դրամով ավելի կվճարեն սպառած յուրաքանչյուր կՎտ*ժ էլեկտրաէներգիայի համար։ Հանրային ծառայությունները կարգավորող հանձնաժողովի տարեվերջին կայացրած որոշման համաձայն՝ փետրվարի 1-ից ամսական մինչև 200 կիլովատտ հոսանք սպառողների համար սակագինը կբարձրանա 1,5 դրամով, 200-400 կՎտ*ժ սպառողների համար՝ 3,5, իսկ 400 կՎտ*ժ-ից ավելի էլեկտրաէներգիա սպառողները 5,5 դրամ ավելի կվճարեն։
Հոսանքի գինը նույնը կմնա սոցիապես անապահով խավերի համար։ Բնակիչների համար այժմ գործում է ցերեկային 45 դրամ, գիշերային 35 դրամ սակագինը։
Հոսանքի թանկացման հիմնական պատճառները մի քանիսն են․ 2021-ին ատոմակայանը երկար ժամանակով կանգ առավ, Հրազդանի ՋԷԿ-ի 5-րդ բլոկը չաշխատեց, Արցախից ներկրվող հոսանքի ծավալները կրճատվեցին։ Հանրային ծառայությունները կարգավորող հանձնաժողովում պարզել են՝ եթե հոսանքի գինը չբարձրանա, ՀԷՑ-ում շուրջ 24 մլրդ դրամի ճեղքվածք կառաջանա, ավելին, 2022–ին էլեկտրաէներգիայի մատակարարման խնդիրներ կառաջանային։
Մանրամասները՝ տեսանյութում։
Ռոզա Վարդանյան
