08.06.2026 | 19:51
Անհամբեր սպասում եմ մեր լավ և շարունակական համագործակցությանը. Դանիայի վարչապետը՝ Փաշինյանին
ԱՄՆ-ը Բելառուսից հետ է կանչում դիվանագետների ընտանիքների անդամներին
Քաղաքականություն
01.02.2022 | 12:58
ԱՄՆ Պետքարտուղարությունը հայտարարել է, որ ռուսական ռազմական ուժերի կուտակում է նկատում Բելառուսի տարածքում՝ Ուկրաինայի հետ սահմանների մոտակայքում։ Ստեղծված իրավիճակի ֆոնին ֆերատեսչությունը հայտարարել է երկրից քաղծառայողների ընտանիքների անդամների տարհանման մասին։
Հունվարի 23-ին նման որոշում էր կայացվել նաև Կիևում դիվանագետների ընտանիքի անդամների հետ կապված, այնուհետև նույն քայլին էին դիմել Մեծ Բրիտանիան, Կանադան, Գերմանիան և Ավստրալիան։
«2022 թվականի հունվարի 21-ին Պետքարտուղարությունը կարգադրել է կազմակերպել ԱՄՆ քաղծառայողների ընտանիքների անդամների մեկնումը»,- ասվում է գերատեսչության պաշտոնական կայքում՝ միջազգային ուղևորությունների վերաբերյալ խորհրդատվությունների բաժնում հրապարակված հաղորագրությունում։
ԱՄՆ-ը խորհուրդ չի տալիս իր քաղաքացիներին մեկնել Բելառուս՝ կամայական իրավակիրառմամբ ձերբակալվելու վտանգի, ինչպես նաև Բելառուսի և Ուկրաինայի սահմանին ռուսական զինված ուժերի՝ մտահոգություն առաջացնող կուտակումների պատճառով:
Տաթև Ֆռանգյան
