17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ԱՄՆ զորքերը պատրաստ են տեղակայվել Արևելյան Եվրոպայում
Քաղաքականություն
01.02.2022 | 16:02
Պենտագոնը հրամայել է 8500 ամերիկացի զինծառայողի նախապատրաստվել Արևելյան Եվրոպայում հնարավոր տեղակայմանը։ Այս մասին հայտարարել է ԱՄՆ Պաշտպանության նախարարության պաշտոնական ներկայացուցիչ Ջոն Քիրբին։
Նրա խոսքով՝ զինվորականներն անցնում են անհրաժեշտ ուսուցում, սակայն նրանց օգտագործման վերաբերյալ որոշումներ դեռ չկան. վերջնական որոշումը պետք է կայացնի ԱՄՆ նախագահը՝ դաշնակիցների հետ խորհրդակցություններից հետո, գրում է BBC-ի ռուսական ծառայությունը։
Նշվում է, որ Ուկրաինան սահմանակից է ՆԱՏՕ-ի չորս երկրների՝ Լեհաստանին, Սլովակիային, Հունգարիային և Ռումինիային: Քիրբին, սակայն, չի հստակեցրել, թե ՆԱՏՕ-ի ո՞ր երկրները կարող են ընդունել ամերիկյան զորքերը:
«Մենք ակտիվորեն խորհրդակցում ենք դաշնակիցների հետ նրանց կարիքների վերաբերյալ»,- հավելել է Քիրբին։
ԱՄՆ-ն արդեն «տասնյակ հազարավոր» զինվորականներ ունի Եվրոպայում՝ Լեհաստանից մինչև Իտալիա, ասել է Քիրբին։ Այդ զորքերը կարող են օգտագործվել Արևելյան Եվրոպայի երկրների հետ պայմանավորվածություններին աջակցելու համար, եթե համապատասխան որոշում կայացվի։
Տաթև Ֆռանգյան
