10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
Ղազախստանում «Կազտելեկոմի» աշխատակիցները գործադուլ են իրականացրել
Քաղաքականություն
31.01.2022 | 20:20
Ալմաթիում «Կազտելեկոմի» տեխնիկական բաժնի աշխատակիցները հրաժարվել են աշխատել՝ կազմակերպելով ինքնաբուխ հավաք ընկերության գրասենյակի մոտ։ Այս մասին հայտնում է EADaily-ն՝ հղում անելով տեղի լրատվամիջոցներին։
Աղբյուրի փոխանցմամբ՝ աշխատակիցներն աշխատավարձերի բարձրացման բանավոր պահանջ են ներկայացրել։
Ընկերության ղեկավարությունն այժմ բանակցություններ է վարել գործադուլավորների հետ, հանրահավաքի մասնակիցներին առաջարկվել է ստեղծել նախաձեռնող խումբ և օրենքի շրջանակում, ինչպես նաև ընկերության ներքին փաստաթղթերին համապատասխան, արհմիության հետ միասին առաջարկություններ անել, որոնք անպայման կքննարկվեն։
Հիշեցնենք, որ հունվարի 2-ին Ղազախստանում զանգվածային ցույցեր էին սկսվել, որոնք պայմանավորված էին հեղուկ գազի գնի աճի հետ։ Շուտով, սակայն, ցուցարարների պահանջները քաղաքականացվել են՝ գործող իշխանությունների հրաժարականի պահանջով։ Հունվարի 4-ի լույս 5-ի գիշերը բախումներ են գրանցվել Ալմաթիում ցուցարարների և ուժայինների միջև։
Երկրի ղեկավարության դիմումի համաձայն՝ ՀԱՊԿ-ը հունվարի 6-ին խաղաղապահ զորքեր էր ուղարկել Ղազախստան, որոնք առաքելությունն ավարտելուց հետո վերադարձել են իրենց տեղակայման մշտական վայրեր։ Այժմ Ղազախստանում, երկրի իշխանությունների հայտարարության համաձայն, կայուն է։
Տաթև Ֆռանգյան
