05.03.2026 | 13:13
«Մայքրոսոֆթ»-ի փոխնախագահի հետ քննարկվել են Հայաստանում տեխնոլոգիական գործընկերության ընդլայնման հեռանկարները
Հեղեղումներ և զոհ Գերմանիայում․ «Նադյա» ցիկլոնն արտակարգ իրավիճակների է հանգեցրել․ ԼՈՒՍԱՆԿԱՐՆԵՐ
Քաղաքականություն
31.01.2022 | 22:50
2022 թվականին Գերմանիայում փոթորիկները (և բոլոր ցիկլոնները) կանացի անուններ կունենան՝ համաձայն 1998 թվականին ներդրված ռոտացիայի սկզբունքի։ Հունվարի վերջին հանգստյան օրերին վատ եղանակային պայմանների պատճառը «Նադյա» ցիկլոնն է եղել, որը եկել է հյուսիս-արևմտյան ուղղությունից, գրում է DW-ի ռուսական ծառայությունը։
Չնայած այն վերջին տարիների ամենաուժեղ փոթորիկը չէր, սակայն արտակարգ իրավիճակների է հանգեցրել․ չեղարկվել են գնացքների մեկնումներն ու ժամանումները, հրշեջ-փրկարարական ծառայություններում բազմաթիվ զանգեր են գրանցվել։
Բրանդերբուրգում մեկ մարդ է զոհվել մեծ ցուցանակի ընկնելու հետևանքով ստացած վնասվածքներից։
Համբուրգում փոթորկի հետևանքով հեղեղվել է ձկան շուկան, սակայն այստեղ հեղեղումներ պարբերաբար են գրանցվում վատ եղանակի պատճառով։
Լանգեոն կղզում հեղեղվել է ավազե ափի ոչ մեծ հատված, ջուրը հասել է կղզին պաշտպանող ավազաթմբերին։ DW-ի ռուսական ծառայությունը նաև տեղից լուսանկարներ է հրապարակել։
Տաթև Ֆռանգյան
