21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Չինաստանն ԱՄՆ-ին և ՌԴ-ին Ուկրաինայի հարցով զսպվածության կոչ է արել
Քաղաքականություն
27.01.2022 | 23:28
Չինաստանը Վաշինգտոնին ասել է, որ հուսով է, որ Ուկրաինայի շուրջ հակամարտությունում ներգրավված բոլոր կողմերը հանգստություն և զսպվածություն կցուցաբերեն և կկարողանան խուսափել տարածաշրջանում լարվածության սրումից, գրում է BBC-ի ռուսական ծառայությունը։
ԱՄՆ-ն արձագանքել է՝ ընդգծելով հակամարտության դեէսկալացիայի անհրաժեշտությունը և նախազգուշացրել ռուսական հնարավոր ագրեսիայի հետևանքով առաջացած անվտանգության և տնտեսական ռիսկերի մասին։
Չորեքշաբթի ուշ երեկոյան Չինաստանի արտաքին գործերի նախարար Վան Ին և ԱՄՆ-ի պետքարտուղար Էնթոնի Բլինքենը հեռախոսազրույց են ունեցել։
«Մենք բոլոր կողմերին կոչ ենք անում պահպանել հանգստությունն ու զերծ մնալ լարվածությունը ավելացնող և ճգնաժամը սրող քայլերից»,- ասել է Չինաստանի արտգործնախարարը։
Reuters-ի փոխանցմամբ՝ Վան Ին իր ամերիկացի գործընկերոջն ասել է, որ մի երկրի անվտանգությունը չպետք է զոհաբերվի այլ պետությունների անվտանգությանը, և որ տարածաշրջանային անվտանգությունը չի կարող ապահովվել ռազմական բլոկների ամրապնդմամբ և նույնիսկ ընդլայնմամբ։
Բլինքենն իր հերթին ասել է, որ «դիվանագիտությունն ու լարվածության թուլացումը պատասխանատու ճանապարհ են»։
Տաթև Ֆռանգյան
