16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Բունդեսթագը հարգել է Հոլոքոստի զոհերի հիշատակը և կոչ արել պայքարել հակասեմականության դեմ
Քաղաքականություն
27.01.2022 | 22:27
Գերմանիայի Բունդեսթագը հարգել է նացիոնալ-սոցիալիզմի զոհերի հիշատակը, գրում է DW-ի ռուսական ծառայությունը։
«Մենք հիշում ենք միլիոնավոր մարդկանց, ովքեր հալածվեցին, թալանվեցին, նվաստացվեցին, խոշտանգվեցին, դատապարտվեցին մահվան, քանի որ նրանք այլ կերպ էին մտածում, այլ կերպ էին հավատում, այլ կերպ էին սիրում, կամ այն պատճառով, որ նացիոնալ-սոցիալիստների համար նրանց կյանքը արժեք չուներ», – ասել է Բունդեսթագի նախագահ Բերբել Բասը հունվարի 27-ին՝ Հոլոքոստի զոհերի հիշատակի միջազգային օրը։
Նա նշել է, որ ցավում է, որ շատ քիչ նացիստ հանցագործներ են ենթարկվել արդարադատության, և նրանցից շատերը ոչ այնքան խիստ պատիժներ են կրել: Եվրոպայում հրեաների ցեղասպանությունը գերմանական հանցագործություն է, բայց միևնույն ժամանակ այն անցյալ է, որը վերաբերում է բոլորին, ընդգծել է Բասը։
Գերմանիայի Բունդեսթագի ղեկավարը խստորեն դատապարտել է հակասեմիտիզմը։ Մենք չպետք է թույլ տանք կրկին հրեաների մասին կարծրատիպերի և նախապաշարմունքների տարածում, ընդգծել է Բերբել Բասը։
Բունդեսթագում ամեն տարի հունվարի 27-ին տեղի է ունենում Հոլոքոստի զոհերի և նացիոնալ-սոցիալիզմի բոլոր զոհերի հիշատակի ամենամյա հիշատակի արարողությունը։ 1996 թվականից ի վեր, Գերմանիայի այն ժամանակվա նախագահ Ռոման Հերցոգի (Ռոման Հերցոգ) նախաձեռնությամբ այս օրը երկիրը սկսեց նշել Նացիոնալ-սոցիալիզմի զոհերի հիշատակի ազգային օրը:
Տաթև Ֆռանգյան
