15.11.2024 | 20:44
Գրետա Թունբերգը ժենգյալով հաց է պատրաստում. ՏԵՍԱՆՅՈՒԹ
Վանաձորում փորձում են վախեցնե՞լ ուսանողներին՝ չմասնակցելու դասադուլին. ԼՈՒՍԱՆԿԱՐՆԵՐ
Քաղաքականություն
16.04.2018 | 19:48
Առավոտյան ժամը 11-ից ուսանողները նաև Վանաձորում են դուրս եկել բողոքի ակցիայի՝ դասադուլի, և Տեխնոլոգիակական քոլեջի դիմաց կրթօջախի ղեկավարությունը փակել է դռները՝ թույլ չտալով, որ ուսանողներրը դուրս գան ու մասնակցեն դասադուլին։
Մոտ 45 րոպե ուսանողները ակցիա են անցկացրել, որի ընթացքում եղել են անգամ բախումներ ուսանողների և քոլեջի աշխատակիցների միջև։ Այնուհետև ուսանողները ուղղվել են Վանաձորի գլխավոր՝ Հայքի հրապարակ։ Այստեղ ուսանողները նստացույց են անցկացրել որը տևել է 4 ժամ։ Տեղեկանալով, որ Երևանում Բաղրամյան պողոտայում բախումներ են եղել, ուսանողները իրազեկման երթով գնացել են Լոռու Ոստիկանության վարչության շենքի դիմաց՝ հայտնելով իրենց բողոքը Երևանում կատարվողի առնչությամբ և դատապարտելով Երևանում ոստիկանների կիրառած բռնությունները։
Այնուհետև լարում է եղել Արցախի պուրակի հարակից տարածքում, որտեղ ճանաապարհը փակվել է։
Ի վերջո, ուսանողները շարժվել են դեպի մարզպետարան, որտեղ մոտ մեկ ժամ ակցիա են անցկացրել։ Ուսանողներն այժմ զբաղված են վաղվա անելիքների պլանավորմամբ։ Նրանք պատրաստվում են վաղը ևս շարունակել ակցիաները՝ Վանաձորի Արցախի պուրակի հարակից տարածքում։
Հավելենք, որ Վանաձորի ցույցին մասնակցող երիտասարդներից շատերը մեկնել են Երևան՝ մասնակցելու Ֆրանսիայի հրապարակում ծավալվող ակցիաներին։ Մեր աղբյուրների փոխանցմամբ՝ Վանաձորի պետական համալսարանի ղեկավար կազմից զանգահարում են ուսանողներին՝ նրանց հորդորելով դադարեցնել մասնակցել բողոքի ակցիաներին ու դասադուլներին։ Ուսանողներից մեկը մեզ փոխանցեց, որ նաև ոստիկանության աշխատակիցներն են դիմել դասադուլ անող ուսանողների ծնողներին՝ կոչ անելով նրանց երեխաներին չթույլատրել մասնակցել բողոքի ակցիաներին։
