17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ԱՄՆ-ի բժիշկները շարունակում են հորդորել ծնողներին պատվաստել 5-ից բարձր տարիքի երեխաներին
Քաղաքականություն
26.01.2022 | 23:05
Անցած օգոստոս ամսին Բեյքեր Միլսը միայն երեք ամսական էր, երբ քովիդ հիվանդության պատճառով տեղափոխվեց Ատլանտայի մանկական հիվանդանոց: Չնայած երեխան համեմատաբար թեթև ախտանշաններ է ունեցել, բժիշկները, այնուամենայնիվ, որոշել են նրան հոսպիտալացնել տարիքի պատճառով: Նրա մայրն ուրախությամբ է ասում, որ երեխայի մոտ ծանր ախտանշաններ ի հայտ չգալու պատճառը գուցե այն է, որ ինքն ու ամուսինը եղել են լիովին պատվաստված: Նրա խոսքերով, ինքը պատվաստվել է հղիության ընթացքում, գրում է Ամերիկայի ձայնը:Ամերիկայի ձայնը:
Հունվարի կեսերի դրությամբ ԱՄՆ-ում մոտ 8,5 միլիոն երեխաներ են ցույց տվել կորոնավիրուսի թեստի դրական պատասխան։ Չնայած նրան, որ երեխաները սովորաբար ավելի մեղմ ախտանշաններ են ունենում, օմիկրոնի տարածման արագությունը գերլարում է առողջապահական համակարգը:
Ինչպես Ջորջիա նահանգի մանկական հիվանդանոցի բժիշկ
Յակոբ Էյխենբերգերն է ասում, օմիկրոնի դեպքերն այս ալիքը շատ են ուժգնացրել, ինչի արդյունքում հիվանդանոցները գերծանրաբեռնված վիճակում են հայտնվել:
Մինչև հինգ տարեկան երեխաները մնում են ամենախոցելի խմբերից մեկը, քանի որ դեռեւս չի տրվել այս տարիքի երեխաներին պատվաստելու արտոնություն: Արդյունքում, մեծաթիվ ծնողներ նախընտրում են իրենց երեխաներին չուղարկել մանկապարտեզ և նախակրթարան:
Հունվարի սկզբին ԱՄՆ-ի կրթության նախարար Միգել Քարդոնան խրախուսեց երկրի դպրոցները բաց պահել անհատական ուսուցման համար: Մեծաթիվ պաշտոնյաներ են ասում, որ առցանց ռեժիմը դժվար է եղել և՛երեխաների, և՛ ծնողների համար, և որ յուրաքանչյուր դպրոցական շրջան տարբեր է:
Ըստ Հիվանդությունների վերահսկման կենտրոնի, հունվարի կեսերին ԱՄՆ-ում 12-17 տարեկան դեռահասների 64%-ը լիովին պատվաստված էր:
Իշխանությունները խրախուսում են ծնողներին պատվաստել 5-12 տարեկան իրենց փոքր երեխաներին, քանի որ ըստ բժիշկների, կանխատեսվում է երեխաների շրջանում այս հիվանդության արագ տարածում:
