21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Թուրքիան Ադրբեջանից գազի հավելյալ մատարարակում է խնդրում՝ Իրանից գազամատակարարման դադարեցման ֆոնին
Քաղաքականություն
26.01.2022 | 22:15
Ադրբեջանը Թուրքիայից խնդրանք է ստացել գազի լրացուցիչ մատակարարումների վերաբերյալ՝ կապված Իրանից գազի մատակարարման տեխնիկական խնդիրների հետ։ Որոշում է կայացվել ավելացնել Թուրքիային մատկարարումները։ Այս մասին ՌԻԱ Նովոստիին հայտնել է Ադրբեջանի պետական նավթային SOCAR ընկերության պաշտոնական ներկայացուցիչ Իբրահիմ Ահմեդովը։
Իրանը Թուրքիա գազի ամենախոշոր մատակարարներից է։ Ավելի վաղ հայտարարվել էր, որ Իրանը 10 օրով դադարեցնում է գազամատակարարումը՝ տեխնիկական խնդիրների պատճառով։ Ավելի ուշ Թեհրանը հայտնեց, որ գազի մատակարարումը վերականգնվել է, սակայն Թուրքիայի կառավարությունը հերքում է այդ լուրերը և հատուկ պատվիրակություն է ուղարկել Իրան՝ իրավիճակը պարզելու համար։
Նշենք, որ այս ամենի հետևանքով Թուրքիայի մի շարք արդյունաբերական ձեռնարկություններ դադարեցրել են արտադրությունը։
«Տեխնիկական խնդիրների ֆոնին, որոնք նկատվում են վերջին օրերին Իրանից Թուրքիա բնական գազի մատակարարման հետ կապված, թուրքական կողմը դիմել է Azerbaijan Gas Sales Company-ին է՝ հավելյալ ծավալներով գազ ներկրելու խնդրանքով։ AGSC-ն ներկայացնում է «Շահ Դենիզ» կոնսորցիումի մասնակից ընկերությունների խումբը: Թուրքիայից ստացված դիմումը քննարկվել է ընկերությունում։ Որոշում է կայացվել Թուրքիա արտահանվող գազի ծավալն ավելացնել առկա հնարավորությունների սահմաններում և առաջացող պահանջարկին համապատասխան»,- ասել է Ահմեդովը։
Էմմա Չոբանյան
