06.06.2026 | 21:33
Կարկուտից ոչխարներ են սատկել, գառնարածը վնասվածքներ է ստացել․ արտակարգ դեպք՝ Լոռու մարզում
Մոսկվան պնդում է աշխատանքային միգրանտների ուսուցման կենտրոններ բացել ԱՊՀ երկրներում
Քաղաքականություն
26.01.2022 | 23:18
Մոսկվան պնդում է աշխատանքային միգրանտների ուսուցման կենտրոններ բացել այն երկրներում, որտեղից նրանց ամենամեծ թիվn ուղարկվում է Ռուսաստան։ Այս մասին հայտարարել է ՌԴ ԱԳ նախարար Սերգեյ Լավրովը՝ ելույթ ունենալով Պետդումայի լիագումար նիստում, գրում է ՏԱՍՍ-ը։
«Այժմ մենք պնդում ենք այդպիսի կենտրոններ բացել այն երկրների հետ, որոնք ապահովում են աշխատանքային միգրանտների մեծ մասը, դրանք են Ղրղզստանը, Տաջիկստանը և Ուզբեկստանը։ Մենք պայմանավորվում ենք նրանց հետ այս երկրներում աշխատանքային միգրանտների համար ուսումնական կենտրոններ կազմակերպելու շուրջ»,- ասել է նա։
Նախարարի խոսքով՝ նման կենտրոններում կարող են միգրանտներին սովորեցնել ռուսերեն և Ռուսաստանի Դաշնության օրենսդրություն։
Լավրովը նշել է, որ իրավիճակը, որը ստեղծվել է միգրանտների հետ կապված, մասնավորապես, երբ խոսքը վերաբերում է նրանց հետ կապված միջադեպերին, հասարակության մեջ հուզական արձագանք է առաջացնում։ Նա նշել է, որ այս խնդրին այժմ շատ լուրջ ուշադրություն է դարձվում ՆԳՆ-ի կողմից։
Տաթև Ֆռանգյան
