25.11.2024 | 16:10
Ադրբեջանի Մեջլիսի պատգամավորը Հայաստանի բյուջեն «ռազմականացված» է որակել
Հյուսիսկորեական ճգնաժամի ֆոնին՝ ԱՄՆ-ը ռմբակոծիչներ է տեղակայել Կորեական թերակղզում
Քաղաքականություն
20.06.2017 | 10:55
ԱՄՆ ռազմաօդային ուժերի 2 գերձայնային B-1B ռմբակոծիչ, որոնք կարող են միջուկային զենք տեղափոխել, ուղարկվել են Հարավային Կորեա՝ անցկացվելիք զորավարժության նպատակով. հայտնում է gazeta.ru-ն՝ հղում անելով Yonhap-ին:
«B-1B երկու ռմբակոծիչ է տեղակայվել Կորեական թերակղզում՝ մասնակցելու համատեղ զորավարժություններին: Սեուլի կողմից ներգրավված են լինելու F-15K կործանիչներ», – ասված է հայտարարության մեջ:
Ամերիկյան ինքնաթիռները զորավարժությունների շրջանակում ռմբակոծումներ կիրականացնեն Կանվոնդո նահանգում գտնվող «Փհիլսոն» զորավարժարանի տարածքում:
Ավելի վաղ Սպիտակ տան պաշտոնական ներկայացուցիչ Շոն Սփայսերն ասել էր, որ ԱՄՆ-ը Չինաստանին ու Ռուսաստանին կոչ է արել օգնել կորեական ճգնաժամի լուծման հարցում:
