21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Էրդողանը հայց է ներկայացրել ընդդիմադիր երկու պատգամավորների դեմ՝ իրեն վիրավորելու համար
Քաղաքականություն
25.01.2022 | 23:30
Թուրքիայի նախագահ, իշխող «Արդարություն և զարգացում» կուսակցության ղեկավար Ռեջեփ Թայիփ Էրդողանն ընդդիադիր Ժողովրդահանրապետական կուսակցության երկու պատգամավորի՝ կուսակցության խորհրդարանական խմբակցության փոխնախագահ Էնգին Օզքոչի և Ստամբուլից պատգամավոր Այքուրտ Էրդողդուի դեմ հայց է ներկայացրել։ Այս մասին գրում է Bianet-ը։
Էրդողանի փաստաբան Հուսեյն Այդընի՝ պատգամավորների դեմ ներկայացված բողոքը «նախագահին վիրավորելու մեղադրանք» է պարունակում։ Դիմումի մեջ փաստաբանը նշում է, որ հունվարի 14-ին TELE1-ի եթերում հաղորդման ժամանակ Էնգին Օզքոչի և Այքուրտ Էրդողդուի հայտարարությունները «վիրավորական բնույթ են կրել անձի իրավունքների դեմ և հասել են զրպարտության ու վիրավորանքի աստիճանի»։ Նա նաև նշել է, որ պատգամավորների հայտարարություններն անցել են խոսքի ազատության սահմանը։
Արդյունքում երկու ընդդիմադիր պատգավորի դեմ քաղաքացիական հայց է ներկայացվել՝ նախագահին վիրավորելու համար։
Նշվում է, որ ըստ BIA Media Monitoring-ի վերջին զեկույցի՝ Թուրքիայում վերջին 7 տարում 70 լրագրող է դատապարտվել՝ Էրդողանին վիրավորելու համար։
Վերջին դեպքը տեղի է ունեցել օրերս, երբ կալանավորվեց թուրք հայտնի հեռուստալրագրող Սեդեֆ Քաբաշը՝ դարձյալ «Էրդողանին վիրավորելու» համար։
Էմմա Չոբանյան
